Қазақ әдебиетінен сабақ жоспары: «Ғылым таппай мақтанба» өлеңінің көркемдік құндылығы (6 сынып, II тоқсан )

Пән: Қазақ әдебиеті
Ұзақ мерзімді жоспар бөлім: Абайды оқы, таңырқа!
Сабақтың тақырыбы: «Ғылым таппай мақтанба» өлеңінің көркемдік құндылығы
Осы сабақ арқылы жүзеге асатын оқу мақсаттары: Б/С1.Тарихи және көркемдік құндылығы
Сабақтың мақсаттары: 6.3.1.1-шығармадағы кейіпкерлерді өзара салыстыра отырып, тарихи және көркемдік құндылығына баға беру.
Сабақ барысы:
І. Ұйымдастыру кезеңі.
ІІ. Топқа біріктіру. Санына қарай мұғалім оқушыларды бірнеше топқа бөле алады.
ІІ. Ынтымақтастық атмосферасын қалыптастыру. «Топтың тілегі» Оқушылар топпен ақылдасып, сыныпқа, бүгінгі сабаққа қатысты әдемі тілек айтады.
Оқу мақсаты мен бағалау критерийі түсіндіріледі, талқылайды.
ІІІ. Ой шақыру. «Мақалды жалғастыр» ойыны:
Жақсыдан үйрен, ......... (Жаманнан жирен)
Талап тұлпар, .......... (Білім сұңқар)
Талант қартаймайды, ............ (Білім ортаймайды)
Жақсыдан қашпа, ........... (жаманға баспа)
Ақыл азбайды, ............ (Білім тозбайды)
Өнерлі .............. (өрге жүзеді)
І V. «Шеңбердегі әңгіме» Берілген сұрақтар бойынша топтар кезегімен әңгіме жүргізеді.
1-топқа:
1. Ғылымсыз неге мақтана алмайды?
2. Мақтаншақтық қасиет адамның дұшпаны ма?
3. Тағы нені адамның дұшпаны дер едіңіз?
2-топқа:
1. Адам болу дегенді қалай түсінесіздер?
2. Қанағат ету асыл іс пе?
3. Рақымшылық жасауға қандай мысал келтіруге болады?
3-топқа:
1. Сіз ақын болсаңыз, қандай асыл істерді дәріптейсіз?
2. Ақынның «ғалым болмасаң да ұқсап бақ» деуінің сыры неде?
3. Жамандық көрсең нәфрәтлі, Суытып көңіл тыйсаңыз, деген өлең жолдарында не айтылған?
4-топқа:
1. Ақын ғылым білімнің пайдасы мен жаман қасиеттердің зиянын қалай салыстыра жеткізген?
2. Дүние де өзі, мал да өзі,
Ғылымға көңіл берсеңіз, - деген ойды басқаша қалай жеткізуге болады?
3. Автордың түйінді ойы қандай?
5-топқа:
1. Ғылымды сүю дегенді қалай түсіндіңдер?
2. Асыл істерді тағы немен толықтыруға болады?
3. Ақын бес дұшпаннан қашудың себептерін қалай түсіндіре білді?
V. Қорытынды: «Минуттық эссе»
Мұғалім бірнеше тірек сөз ұсынады. Оқушылар өлеңнен, «Шеңбердегі әңгімеден» алған әсерімен шағын ойтүйін жазады.
Тірек сөздер: өлең, ақын, көркем, мағына, құнды, бағалы, ой, жол, жақсылық, жамандық, ғибрат.
VI. Рефлексия «Тілек ағашы»
Оқушылар бүгінгі сабақ туралы ойларын стикерге жазып,
тақтаға іледі...