Қазақ әдебиетінен сабақ жоспары: Әбу Насыр әл-Фарабидің «Тіршілікте құрыштай бол төзімді» өлеңінің идеясы (6 сынып, I тоқсан )

Пән: Қазақ әдебиеті
Ұзақ мерзімді жоспар бөлімі:Туған жерім-аялы алтын бесігім
Сабақтың тақырыбы: Әбу Насыр әл-Фарабидің «Тіршілікте құрыштай бол төзімді» өлеңінің идеясы
Осы сабақ арқылы жүзеге асатын оқу мақсаттары: Т/Ж2.Әдеби шығарманың тұжырымдамасы
Әдеби шығармада көтерілген әлеуметтік-қоғамдық мәселені идеясы арқылы түсіндіру;
Сабақтың мақсаттары:
Барлық оқушылар орындай алады:
Әдеби шығармада көтерілген әлеуметтік-қоғамдық мәселені идеясы арқылы анықтайды;
Оқушылардың көпшілігі орындай алады:
Әдеби шығармада көтерілген әлеуметтік-қоғамдық мәселені идеясы арқылы түсіндіреді;
Кейбір оқушылар орындай алады:
Әдеби шығармада көтерілген әлеуметтік-қоғамдық мәселені идеясы арқылы түсіндіріп, бағалайды;
Сабақ барысы:
Қызығушылықты ояту
Инфографиканы пайдалана отырып, тақырыпты болжаңыз.
Дескриптор Білім алушы
- инфографиканы пайдаланады;
- кейіпкерді сипаттайды.
Бағалау «3-2-1»
Оқушыларды оқу мақсаттары мен бағалау критерийлерімен таныстыру;
Тұжырымдамалық кесте
Оқушылар төрт немесе бес адамнан құралған топтарға бөлініп жұмыс істейді. Әр топта флипчартқа арналған қағаз бен маркер беріледі. О0ушылар Әбу Насыр әл-Фараби туралы не білетінін шамалап көрсету үшін тұжырымдамалық карта жасайды. Тұжырымдамалық карталар жасалып болған соң, әр топтың мүшесі өздерінің жұмысын таныстырады.
Дескриптор Білім алушы
Бағалау «Екі жұлдыз, бір тілек»
1-тапсырма
Тыңдалым. Әбу Насыр әл-Фарабидің «Тіршілікте құрыштай бол төзімді» өлеңін тыңдату
“Түртіп алу” әдісі: Жиегіне тиісті белгілер (“” – бұрыннан білемін, “+” – енді білдім, “?” – түсіне алмадым, “-” – келісе алмаймын) қоя отырып, әр оқушы мәтінмен алдымен жеке, сонан соң жұптасып жұмыс жасайды. Жұптық жұмыс барысында жаңадан білген мәліметтер мен түсініксіз жайлар талқыланады.
Тіршілікте құрыштай бол төзімді,
Сан мәртебе алдаса да өзіңді.
Тағдырыңды еш уақытта жазғырма
Тіпті кейде болса да әзәзіл азғырған.
Өрге жүзген өнегелі ісімен
Таңда да ал дос, өз теңіңнің ішінен.
Жүргендер көп достық атын малданып,
Алайда тек қалма оған алданып
2-тапсырма
Сәйкестендіріңіз
Төмендегі сөздерді анықтамасымен сәйкестендіріңіз.
Құрыш Жылтыр сұр түсті, темір мен көміртегі және басқа бекіткіштердің ерітіндісінен тұратын болаттың берік түрі.
Мәртебе Бұл жерде: мәрте, рет.
Әзәзіл Азғырушы, арбаушы.
Малдану Бұл жерде: пайдалану, пайда көру.
Дескриптор Білім алушы
• сөздерді анықтамасымен сәйкестендіреді.
Бағалау «Бас бармақ»
3-тапсырма
Көтерілген әлеуметтік-қоғамдық мәселелер мысал идеясы
Төзімділік Тіршілікте құрыштай бол төзімді,
Сан мәртебе алдаса да өзіңді. Өмір болған соң, адамзат баласы көптеген қиындықтар мен жағымсыз жағдайларға тап болады. Сол қиындықты төзімділік пен сабырлылықтың арқасында ғана жеңуге болады.
Тағдырды жазғырмау Тағдырыңды еш уақытта жазғырма
Өлеңде ақын тағдырды жазғырмауға, өмірде бәріне шыдамдылық танытуға шақырады
Сабырлылық Тіпті кейде болса да әзәзіл азғырған.
Адам баласының басына жақсылық бірден келмейтінін, ол үшін аянбай еңбектену керектігін, сабырлы жан қашан да арманына қол жеткізетінін жырлайды.
Адал достық Таңда да ал дос, өз теңіңнің ішінен. Ақын адам баласының адал дос табуын, жақсы амалмен көзге көрінуін, төзімді де, сабырлы болуын қалайды.
Дескриптор Білім алушы
- өлең жолдарында көтерілген әлеуметтік-қоғамдық мәселені анықтайды;
- мысалдар келтіріп, өз ойын дәлелдейді;
- шығарма идеясын талдайды.
Бағалау «Үш шапалақ»....