Қазақ әдебиетінен сабақ жоспары: Д Бабатайұлы «О Ақтан жас Ақтан жас» 2-сабақ (5 сынып, II тоқсан )

Пән: Қазақ әдебиет
Ұзақ мерзімді жоспар бөлімі: «Тәрбиенің қайнар бұлағы»
Сабақтың тақырыбы: Д. Бабатайұлы. «О, Ақтан жас, Ақтан жас» 2-сабақ
Сабақта іске асатын оқу мақсаты: (оқу бағдараламасынан сілтеме) Б/С2. Заманауилығы мен жаңашылдығы.
Б/С3. Әдеби эссе.
Сабақтың мақсаты:
5.Б/С2.Кейіпкерлерді шынайы өмірмен салыстырып бағалау.
5.Б/С3.Шығармадағы кейіпкерді өзіндік құндылығы тұрғысынан талдап, әдеби эссе жазу.
Сабақ барысы:
Сабақтың мақсаты мен күтілетін нәтижелер таныстырылады.
Шүленгерлер туралы бейнематериал көрсетіледі, бүгінгі сабақпен байланысы айтылады.
«Молекула, молекула» тренингі арқылы оқушылар үш топқа бөлінеді.
Әр топқа постерлер мен түрлі-түсті қаламдар таратылады. Әр топқа сөйлеу үшін 5 минут уақыт беріледі.
1-тапсырма:
«О, Ақтан жас, Ақтан жас» өлеңіндегі кейіпкерді шынайы өмірмен салыстырып баға беріңіздер.
Жетістік критерийі:
Жаңаша ойлап, шығармашылықпен жұмыс жасайды;
Өлең сюжетін қазіргі өмірмен байланыстыра алады.
Топтар бір-бірін жетістік критерийі арқылы бағалайды.
«Екі жұлдыз, бір тілек»
2-тапсырма:
«Ақтан жастың болашағы туралы автор болжамын талдап жазыңыз» деген тақырыпта 100- 110 сөзден тұратын эссе жазыңыз.
Жетістік критерийі:
Эссе құрылымын (кіріспе бөлім, негізгі бөлім, қорытынды бөлім) сақтап жазады;
Тақырып бойынша сөйлейді;
Өлең сюжетін ескеріп жазады;
Кейіпкер әрекетін талдап, құндылықтарға тоқталады.
Мұғалім әр оқушының жұмысын бағалайды. Кері байланыс жасайды.
Маған бүгін қандай тапсырманы орындау қиын болды?....