Қазақ тілінен сабақ жоспары: Құлақ тесу ғұрпы (8 сынып, III тоқсан )

Пән: Қазақ тілі
Бөлім атауы: Жасөспірім және заң
Сабақтың тақырыбы: Құлақ тесу ғұрпы
Осы сабақ арқылы жүзеге асатын оқу мақсаттары: 8.1.2.1 Тыңдалған мәтіннің негізгі мазмұнын түсіну, детальді ақпараттарды анықтау
Сабақтың мақсаттары: Мәтіннің негізгі мазмұнын түсінуге дағдыландыру.
Сабақ барысы: Оқушылар кілтті сөз тіркестері арқылы сабақтың тақырыбын болжайды.
«Сырғалы қыз»
«Сырға той»
«Сырғаның сылдырын білдіртпеу»
деген тіркестерден қандай ой түюге болады?
Сабақ тақырыбын анықтап, мақсатымен танысады
Тыңдалым алдындағы тапсырма
Ой толғау
«Құлақ тесу» дәстүрінің маңыздылығы қандай деп ойлайсыздар?
Оқушылар өз ойларымен бөліседі, мұғалім сыни ойлау қабілетін дамыту мақсатында диалог барысында жетелеуші сұрақтар қойып отырады.
Топтан ой бөліскен әр оқушының жауабы үшін сырғаның бір деталі бейнеленген сурет беріледі, барлық детальдарды жинап, сырғаның толық суретін шығарған топ жеңімпаз атанады. Мұғалім бағалауға арналғн сырғаның суретін бірнеше қиықтарға алдын ала бөліп дайындап қояды.
Тыңдалым тапсырмасы
Жеке жұмыс
Оқушылар бейнебаянды тыңдап, сұрақтарға жауап береді.
1. Бейнебаянда қандай салт туралы әңгіме етіледі?
2. Қыздың құлағын неше жаста тескен?
3. Маңызы жоғары дәстүрді орындау кімге сеніп тапсырған?
4. Ата-ананың парызы қандай?
5. Күміс әшекейдің қасиету қандай?
6. Құлақ тесудің қадамдарын жазыңыз
7. Дәстүрдің қыз тәрбиесінде алар орнын сипаттап жазыңыз.
________________________
8. Қыз балаға үкілі тақияны не үшін кигізді?
9. «Балалықты тастап, бой түзеу» тіркесінің мағынасын қалай түсінесіз?
_______________________
10. Құлақ тескен адамның қолақтығын берудің мақсаты қандай?
«Сағат» ойыны арқылы оқушылар белгіленген уақытта тиісті сыныптасымен жұптасып, жауаптарды талқылайды. Соңында мұғалім сұрақтардың кілттерін ұсынады.
Тыңдалымнан кейінгі тапсырма
Жеке жұмыс
Оқушылар проблемалық сұрақ төңірегінде ойланып, «Ыстық орындық» ойыны барысында көзқарасын білдіреді.
Қазіргі таңда жастар арасында құлақ тескен ер балаларды да кездестіруге болады. Құлақ тесуді сәнге айналдырып алған азаматтардың әрекетіне қандай баға бере аласыз? .....