Қазақ тілінен сабақ жоспары: № 4 сабақ Жануарлар әлемі Күштілер мен әлсіздер дос болуы мүмкін бе? (5 сынып, II тоқсан )

Пән: Қазақ тілі
Бөлім атауы: Жануарлар әлемі мен өсімдіктер дүниесі
Сабақтың тақырыбы: № 4 сабақ. Жануарлар әлемі. Күштілер мен әлсіздер дос болуы мүмкін бе?
Осы сабақ арқылы жүзеге асатын оқу мақсаттары: Т/А4 Негізгі ойды анықтау
Тірек сөздер мен жетекші сұрақтар арқылы негізгі ойды анықтайды;
ӘТН 2 Орфоэпиялық норма
Сөз ішіндегі және сөз аралығындағы ілгерінді, кейінді және тоғыспалы ықпал заңдылықтарына сәйкес айта біледі.
Сабақтың мақсаттары:
Барлық оқушылар:1) тірек сөздер мен жетекші сұрақтар арқылы негізгі ойды түсінеді; 2) сөз ішіндегі және сөз аралығындағы ықпал заңдылықтарын біледі;
Көптеген оқушылар: 1) жетекші сұрақтар арқылы негізгі ойды анықтайды; 2) сөйлеуде сөз ішіндегі және сөз аралығындағы ілгерінді, кейінді және тоғыспалы ықпал заңдылықтарына сүйенеді;
Кейбір оқушылар: 1) мәтіннің негізгі ойын өз бетінше анықтайды; 2) сөз ішіндегі және сөз аралығындағы үндестік заңдылықтарға сәйкес айта біледі.
Сабақ барысы: Қызығушылықты ояту
Сәлемдесу, сабаққа дайындық.
Бейнематериал тамашалау.
Сұхбат: - Ал сіздер жануарлардың қандай да бір ерекшелігін білесіздер ме?
Сабақтың тақырыбын болжау.
Сабақтың мақсаттары мен бағалау критетийлерімен танысу.
Мағынаны тану
1.Тыңдалымалды тапсырма:
Мұғалім оқушыларға тышқан, арыстан, достық, сөздеріне сәйкес келетін суреттер беріп, жетекші сұрақтар арқылы оларды өзара байланыстырып, тыңдалымға дайындық жүргізу, болжам жасату жұмысын ұйымдастырады.
Мысалы: -Ал сіздер жануарлардыңарасында достық болатынына сенесіз бе? Қандай да бір мысалдар келтіре аласыз ба?
2.Тыңдалым тапсырмасы:
«Арыстан мен тышқанның достығы жайында» ертегіні тыңдау.
Бейнежазбаны бөліктерге бөліп тыңдау.
Тыңдалған мәтін бөлімі бойынша жетекші сұрақтар беру:
-Арыстан неге тышқанды өлтірмекші болды?
Арыстан тышқанды неге өлтірмеді?
-Тышқан арыстан туралы не ойлады?
-Арыстан неге жылады?
-Арыстан кімнен көмек сұрады?
-Арыстан кімге, не үшін риза боп рақмет айтты?
-Мұндай оқиға өмірде кездесуі мүмкін бе?
-Тышқан неге арыстанға көмек берді?
-Арыстан мен тышқанның ісіне баға беріп көріңіз.
- Мәтіннің негізгі ойы қандай?
3. Тыңдалымнан кейінгі тапсырма:
Тыңдалған мәтін аясында «Күштілер мен әлсіздер дос болуы мүмкін бе?» деген тақырыпта өздерінің ойларымен пікіралмасу жүргізіледі. Пікір алмасу барысында бірнеше сөйлемді бөліп алып, сөз бен қосымша аралығындағы үндестік заңдылығына талдау жасалады. Мысалы:
Табиғатта күштілер мен әлсіздердің достығы жиі кездеседі.
«Төрт сөйлем» тәсілі /Топтық жұмыс/
1. Пікір. Тыңдаған мәтін бойынша өзіндік пікірлеріңізді бір сөйлеммен білдіріңіздер.
2. Дәлел. Өз пікірлеріңізді бір сөйлеммен дәлелдеңіздер.
3. Мысал. Пікірлеріңізді өмірмен байланыстырып, мысал келтіріңіздер.
4. Қорытынды. Тақырып бойынша қорытынды шығарыңыздар.
Бағалау критерийлері:
Сөйлеу барысында үндестік заңдылықтарын сақтайды;
Ойын жүйелі, дәлелді жеткізіп, қорытынды жасайды.....