Қазақ тілінен сабақ жоспары: 4-тоқсан «Су – тіршілік көзі» бөлімі бойынша жиынтық бағалау (БЖБ) (3 сынып, IV тоқсан )

Пән: Қазақ тілі
Бөлім:«Су – тіршілік көзі»
Сабақ тақырыбы: 4-тоқсан «Су – тіршілік көзі» бөлімі бойынша жиынтық бағалау (БЖБ)
Осы сабақта қол жеткізілетін оқу мақсаттары: (оқу бағдарламасына сілтеме) 3.1.1.1 Тыңдаған материал бойынша тірек сөздерді белгілеу, ашық және жабық сұрақтарға жауап беру
3.1.3.1 Түрлі жағдаяттағы (қоғамдық ортада) қатысымдық әрекеттерде өз сөзін жүйелі түрде жоспарлап, сөйлеу мәдениетін сақтап, диалогке қатысу
3.1.2.1 мәтіннің тақырыбы мен берілген суреттер/фото/диаграмма бойынша мәтіннің мазмұнын болжау
3.4.2.3 сөйлемнен сөз таптарын (зат есім, сын есім, сан есім, етістік) табу.
Сабақтың мақсаты:
- Тыңдаған материал бойынша тірек сөздерді белгілеу, ашық және жабық сұрақтарға жауап беру
- Өз сөзін жүйелі түрде жоспарлап, сөйлеу мәдениетін сақтап, диалогке қатысу
- Тақырып пен сурет бойынша мәтін мазмұнын болжау
- Сөйлемнен сын есімді табу, оларды қолдана білу.
Сабақ барысы: І. Ұйымдастыру кезеңі. Өтілген материалды қайталау.
-Мәтіннен тірек сөздерді белгілеуде нені назарда ұстау керек? (Мәтін түрі мен негізгі ойы, сонда мәтін мазмұнына сәйкес тірек сөздер қатарын анықтау жеңіл болады?)
- Мәтін бойынша сұраққа жауап беру үшін қандай әркеттер жасау керек? (Мұқият тыңдау, мазмұнын түсіну, мазмұны бойынша өз пікірін білдіру).
- Осы бөлімде негізгі қандай дағдыларды игердіңдер, қандай білім алдыңдар?
Сабақ мақсатын хабарлау, бағалау критерийлерін таныстыру.
(Ө) Бөлім бойынша жиынтық бағалауды орындау ережесін еске түсіру.
Тыңдалым және айтылым
3.1.1.1 Тыңдаған материал бойынша тірек сөздерді белгілеу, ашық және жабық сұрақтарға жауап беру
3.1.3.1 Түрлі жағдаяттағы (қоғамдық ортада) қатысымдық әрекеттерде өз сөзін жүйелі түрде жоспарлап, сөйлеу мәдениетін сақтап, диалогке қатысу
1-тапсырма. Мәтінді мұқият тыңда. Сұрақтарға жауап бер. Тірек сөздерді түртіп ал.
Судың емдік қасиеті
Судың көптеген қасиеті бар. Денсаулықты қалпына келтіретін ең қарапайым әдіс – аш қарынға бал қосылған жылы су ішу. Бал қосылған жылы су – ең әуелі асқазанның жақсы жұмыс жасауына әсер етеді. Кейбір мамандар алдымен аш қарынға су ішіп, сосын барып бал қосылған жылы су ішуге кеңес береді.
Тағы бір айта кетерлігі, суды емдік мақсатта пайдаланатын болсаңыз қайнатылмаған су ішу керек. Мәселен, мамандар бұлақтың немесе құдықтың суы болса және оның таза екеніне көзіңіз жетіп тұрса қайнатпай ішуге болатынын айтады. Сүзгіден өткен суды да қайнатпай-ақ бал қосып ішуге болады. Бал қосылған су адам ағзасын сергітіп, күш-қуат береді.
Cұрақтарға жауап бер.
Қандай суды қайнатпай іше беруге болады?
1) Суды үнемдеуде өзің қандай үлес қосасың?
Тірек сөздер: _______________________________________________________
2-тапсырма. Судың қандай пайдасы бар? Судың денсаулық үшін маңызы туралы диалог құр.
(МК, Т, Ұ) Шығармашылық жұмыс.
3.1.2.1 мәтіннің тақырыбы мен берілген сурет бойынша мәтіннің мазмұнын болжау
2. Суретке зер сал.
- Сурет бойынша кестені толтыр
Зат есім Сын есім Сан есім Етістік
Сурет бойынша мәтін құрастырсаң не туралы айтар едің? Неліктен?
ТАБИҒАТТАҒЫ СУ АЙНАЛЫМЫ
Сурет мазмұнына сәйкес келетін мәтінді анықта.
(Ж,Қ) Жазылым тапсырмасы
3.4.2.3 сөйлемнен сөз таптарын (зат есім, сын есім, сан есім, етістік) табу. Мәтіннен сын есімі бар сөйлемдерді тауып, көшіріп жаз. Сын есімнің астын сыз.
Мәтіндегі сөйлемдердің байланысына қарай құрамында сын есімі бар бір сөйлем құрап жаз.
(Т, Ж)Тапсырмаларды тексеру.
Топ құрамында оқушылар жұмыс дәптерлерін алмасып, орындаған жұмыстарын тексереді. Кездескен қателерді талқылайды......