Қазақ тілінен сабақ жоспары: Хат жазу (3 сынып, I тоқсан )

Пән: Қазақ тілі
Ұзақ мерзімді жоспар бөлімі: Тірі табиғат
Сабақ тақырыбы: Хат жазу
Осы сабақта қол жеткізілетін оқу мақсаттары: (оқу бағдарламасына сілтеме) 3.2.10.1 мұғалімнің көмегімен ұқсас тақырыпта берілген мәтін түрлерін, стилін салыстырып, ұқсастықтары мен айырмашылықтарын табу
Сабақ мақсаттары: Мәтіннің түрлерін тиісті құрылымға сәйкес жазады. Мұғалімнің көмегімен әдеби және әдеби емес мәтіндерді жетілдіреді, түзетеді.
Сабақ барысы: І. Ұйымдастыру кезеңі.
Алау болып жанамыз,
Құлыншақ боп шабамыз.
Бүгінгі сабақта біз,
Жаңа білім аламыз.
ІІ. Сабақтың тақырыбы мен мақсатын анықтау.
«Полюс» ойыны
Егер айтқан пікір жалған болса- оңтүстік, ақиқат болса- солтүстікке барады.
- Қазақ тілі және әдебиет сабағында өтіп жатқан тарауымыздың аты «Жануарлар»- жалған
- Барыс таулы жерлерде мекендейді.-ақиқат
- Манарх көбелегі 1 жылда 4 рет ұрпақ әкеледі.-ақиқат
- Ит- төрт түлік малға жатады.-жалған
- Хат жазуды сәлемдесу сөзінен бастау керек.-ақиқат
- Кез келген адам сен жазған хатты оқи алады.- жалған.
Соңғы сөйлемде не жайлы айтылған. Оқушылар сабақтың тақырыбы мен мақсатын ашады.
ІҮ. Негізгі бөлім
Ой шақыру.
- Біз бүгін сабақта хат жазамыз. Хатты танымайтын адамға жазып көреміз. Қандай қиындықтар туу мүмкін?
Топтық жұмыс:
- «Қатемді тап» ойыны
Тақтада бірнеше хат түрлері беріледі. Оқушылар оларды оқып, қатесін табады.
Хаттың бірінші нұсқасы.
Сәлем, Айгүл!
Мен сенің хатыңды алдым.
Сенің хатың өте қызықты болды.
Жақында мен өте қызықты
кітап оқыдым.
Менің сүйікті жануарым – жылқы.
Сен менің туған күніме келесің бе?
Сен сабақты жақсы оқисың ба?
Мен жақсы оқимын.
Сау бол! Сенің досың, Жанар.
Хаттың екінші нұсқасы.
Анашым, бүгін сенің туған күнің.
Мен сені шын жүректен құттықтаймын.
Сен қашан келесің? Маған сыйлық алдың ба? Кеше мен сабаққа кешігіп бардым.
Ұйықтап калыппын.Тез кел, күтемін.
Балаң Жарас
Хаттың үшінші түрі
Құрметті құмырсқа!
Саған хат жазып отырған 3-сынып оқушысы Қайрат. Мен сенің еңбекқорлығыңа өте қызығамын. Сендер қашан демаласыңдар? Мен де еңбек етемін. Бірақ тез шаршап қаламын. Маған шаршамаудың жолын айтшы. Мен сенен көп нәрсені үйренемін. Бірлік, татулық, еңбекқорлықты үйренемін.
Хат жазушы 3-сынып оқушысы Қайрат.
(Т) Оқушылар топ ішінде қай хат дұрыс жазылғанын анықтайды. Неліктен?
Өз ойларын барлығына айтады.
-Қай хаттарда тіршілік иелері туралы айтылған?
Тіршілік иелерін дәптерлеріне тізбектеп жазу.
Оқушылар өздеріне ұнайтын бір тіршілік иесін алып, хат жазады. Жұмысты бастамас бұрын,дескрипторлар хабарланады.
Дескрипторлар:
- Қысқаша хат жазады;
- Хаттағы сөйлемдерді байланыстырып жазады;
- Хаттың құрылымын сақтайды.
Бірнеше баладан хаттарын тыңдау.
Оқушылар дескрипторларға сүйене отырып, жұмыстарды бағалайды.......