Қазақ тілінен сабақ жоспары: 4-сабақ Мәтін (3 сынып, I тоқсан )

Пән:Қазақ тілі
Бөлім: Жанды табиғат
Сабақ тақырыбы: 4-сабақ Мәтін
Осы сабақта қол жеткізілетін оқу мақсаттары: 3.1.2.1 мәтіннің тақырыбы мен берілген суреттер/фото/диаграмма бойынша мәтіннің мазмұнын болжау;
3.2.1.1 тірек сөздер/көмекші сөздер арқылы мәтін түрлерін (әңгімелеу, сипаттау, пайымдау) және оның құрылымдық бөліктерін анықтау;
3.2.3.1 мәтін мазмұны бойынша пікір білдіруге бағытталған сұрақтар құрастыру және жауап беру.
3.3.6.1 бас әріп пен кіші әріптің биіктігі мен мөлшерін сақтап көлбеу, үзбей және біркелкі жазу, жазу қарқынын жеделдету;
Сабақ мақсаттары:
Барлық оқушылар:
- берілген суреттер бойынша мәтіннің мазмұнын болжайды;
- тірек сөздер, көмекші сөздер арқылы мәтін түрлерін (әңгімелеу, сипаттау, пайымдау) ажыратады,
мәтіннің құрылымдық бөліктерін анықтайды;
- мәтін мазмұны бойынша сұрақтар құрастырады, жауап береді;
- кең жолды дәптерде бас әріп пен кіші әріптің биіктігі мен мөлшерін сақтап көлбеу, үзбей және біркелкі үлгі негізінде жазады.
Оқушылардың көбі:
- суреттер арқылы мәтіннің мазмұнын болжайды;
- тірек сөз бен көмекші сөз арқылы мәтін түрлерін (әңгімелеу, сипаттау, пайымдау) ажыратады,
мәтіннің құрылымдық бөліктерін анықтайды;
- пікір білдіруге бағытталған сұрақтарды мәтіннің мазмұны бойынша құрастырады, оларға жауап береді;
- кең жолды дәптерде бас әріп пен кіші әріптің биіктігі мен мөлшерін сақтап көлбеу, үзбей және біркелкі орта темппен жазады
Оқушылардың кейбірі:
- мәтіннің тақырыбы мен берілген суреттер/фото/диаграмма бойынша мәтіннің мазмұнын болжайды, негіздей алады;
- тірек сөз бен көмекші сөз арқылы мәтін түрлерін өз бетінше (әңгімелеу, сипаттау, пайымдау) ажыратады, құрай алады және мәтіннің құрылымдық бөліктерін сақтайды;
- мәтін мазмұны бойынша пікір білдіруге бағытталған сұрақтарды өз бетінше құрастырады, нақты тұжырыммен жауап береді;
- кең жолды дәптерде бас әріп пен кіші әріптің биіктігі мен мөлшерін сақтап көлбеу, үзбей және біркелкі шапшаң жазады.
Сабақ барысы: І. Ұйымдастыру кезеңі. Ширату жаттығуларын жасату
(Ұ, Ж, қ) «Ассоциативті қатар» әдісі
Мақсаты: Мәтін туралы, мәтінге тән белгілерін, білімдерін ой елегінен өткізіп, қайталату. Оқушылардың тыңдалым дағдыларын, сыни ойлауын дамыту, сабаққа қызығушылығын арттыру. (Мұғалім оқушыларға дайын тірек сызбалар жиынтығын ұсынуға болады.) Мысалы:
Мұғалім оқушыларды жалпы мәтіннің мазмұндық бөліктерін ажырата білуге төселдіруде төмендегідей кестені пайдалануға болады:
Құрылымдық бөліктері Мазмұны
Басы Әңгімелегенде, түсіндіргенде немесе суреттегенде тыңдаушыны одан кейінгі айтылатын ойға дайындайсың, келесі ойдың не туралы болатындығын аңдатасың.
Негізгі бөлім Сол негізгі айтайын деген ойыңды ашып, мазмұндайсың.
Соңы Мәтін бойынша айтайын деген ойыңды барлығына түсінікті етіп қорыта аяқтайсың.
І1. Негізгі бөлім
(МК,Ө) Көркем жазу. Әріп элементтері мен сөздер:
(МК; Ө) Тыңдалым.
15-жаттығу. Тыңда. Тақырып пен сурет бойынша мәтіннің мазмұнын болжау.
Бос торкөздерге әріптерді сан ретімен орналастырып, мәтіннің тақырыбын оқиды.
1 2 3 4 5 6
Т Ғ О А Р Й

1 3 5 2 4 6
• Әр сұрақтың жауабы болатын сөздерден тірек сөздер қатарын құрау
Бағалау дескрипторы:
- мәтіннің мазмұнын болжайды;
- қойылған сұрақтарға жауап береді;
- мәтіннің құрылымдық бөліктерін анықтайды;
- мәтін түрлерін (әңгімелеу, сипаттау, пайымдау) біледі;
(МК; Ө; Қ) 16-жаттығу.
Тыйым сөздерді көшіріп жазу.
(ТЖ, ҰЖ) Шығармашылық үзіліс.
17-жаттығу. Орны ауысып кеткен ертегінің бөліктерін қалпына келтіру.
Ертегідегі негізгі ойға сәйкес келетін мақалды тауып жаз.
• Түсіндірме және орфографиялық сөздіктермен жұмыс
Бағалау дескрипторы:
- тыйым сөздерді көшіріп жазады, есте сақтайды;
- көмекші сөздерді пайдалана отырып, ойларын дәлелдейді;
- ертегінің бөліктерін қалпына келтіреді;
- пікір білдіруге бағытталған сұрақтар құрастырады, жауап береді;
- ертегідегі негізгі ойды анықтайды;
- бас әріп пен кіші әріптің биіктігі мен мөлшерін сақтап көлбеу, үзбей және біркелкі, шапшаң жазады.
(Ө;Ж; Қ) Өздік диктант.
Жақшадағы сөздерді сөйлем мағынасына қарай өзгертіп жаз. Сөйлемдегі сөздердің байланысын сызбамен көрсет.
Арнұр (өзен) барды. Ол (өзен) балық аулады. (Өзен) балық көп екен. Шелекті (балық) толтырды. Түске жақын (үй) қайтты.
Өзара бағалау
(Т,Ұ,қ) Суретпен жұмыс. Суреттерге зер сал. Тірек сөздерді тап.
- Бұл суретке қандай тақырып қоюға болады?
- Балалардың еңбек ету әрекетіне қарап не айтар едің?
- Өзің табиғатқа қандай қамқорлық жасадың?(саралау)
Бағалау дескрипторы:
- суреттерге назар аударады;
- суретке сай тірек сөздер мен көмекші сөздерді табады;
- мәтіннің тақырыбын және мұғалімнің көмегімен негізгі ойды
анықтайды;
- тірек сөздер арқылы мәтіннің мазмұнын қисынды болжайды,
болжамын негіздей алады;
- әріптердің биіктігін сақтап, көлбеу, дұрыс байланыстырып жазады.......