Қазақ тілінен сабақ жоспары: Мазмұнын айта аламын Төлебидің батасы (2 сынып, III тоқсан )

Пән: Қазақ тілі
Ұзақ мерзімді жоспар бөлімі: «Салт-дәстүр және ауыз әдебиеті»
Сабақ тақырыбы: Мазмұнын айта аламын. Төлебидің батасы.
Оқу мақсаттары: 2.2.1.2 мәтінді іштей оқып, ондағы қажетті ақпараттарды белгілеп оқу
Сабақ мақсаттары: Мәтінді іштей түсініп оқиды. Мәтіндегі қажетті ақпараттарды белгілейді. Мәтіннің мазмұны бойынша сұрақтарға жауап береді. Мазмұнын айтады.
Сабақ барысы: І. Психологиялық ахуал.
Мақсаты: Оқушыларды сабаққа ұйымдастыру, жағымды көңіл-күй тудыру.Өмір бойы білім алуға бағыттау.
Оқушылар шеңберге тұрып, өлең жолдарын бірге қайталайды.
* Біз бақытты баламыз,
* Ойнап ,күліп аламыз.
* Жетілсін деп санамыз,
* Оқып білім аламыз.
(МК, Ұ) Аудиожазбаны тыңдау
Мақсаты:Сабақтың тақырыбын ашу арқылы оқушылардың қызығушылықтарын арттыру.
-Балалар, сөздерге назар аударыңдар?
-Оларды бір сөзбен не деп айтамыз?
-Дұрыс айтасыңдар, ендеше бүгінгі сабағымыз да салт-дәстүрлермен байланысты болмақ.
(Т,Қ)Өткенді қайталау
Мақсаты:Оқушылардың өткен сабақтарда алған білімдерін еске түсіріп, пысықтау.
Оқушыларға 4 дәстүр жазылған қима карточкаларды таңдау ұсынылады.Карточкада жазылған дәстүрді еске түсіріп, топта талқылап, айту тапсырылады.
1-топ:Байғазы
2-топ:Бесік той
3-топ:Тұсау кесу
4-топ:Тілашар.
Оқушылардың жауаптары толықтырылады.Оқушылар бір-бірін шапалақтау арқылы бағалайды.
-Барлық салт-дәстүрлермен байланысты тағы да бір дәстүр бар.Ол барлық тойларда, мерекелерде болатын дәстүр?
- Қандай деп ойлайсыңдар?
Оқушылардың жауаптарын тыңдау
Сабақтың тақырыбы мен мақсатын хабарлау.
-Қалай ойлайсыңдар, қандай жетістіктерге жетеміз?
Оқушылардың жауаптарын критерийлер ретінде тақтаға жазамын.
(МК,Ұ)Сөздік жұмыс
-Тақтадағы сөзге назар аударыңдар.
-Қалай ойлайсыңдар, «бата» дегеніміз не?
БАТА – ТІЛЕК
Бата беру — адал ниет, жақсы тілек білдірудің ұлттық дәстүрі. Дастарқан басында, түрлі жиын-тойларда, т.б. адам өмірінде кездесер ірілі-ұсақты қуаныштар кезінде той, қуаныш иесіне арнап қол жайып, бата береді. Сондай-ақ, қиын сапар, алыс жолға аттанған азаматына ақ жол тілейтін халқымыздың ежелден келе жатқан, кең таралған дәстүрлерінің бірі. Бата беретіндер, көбіне, көпті көрген ақсақалдар мен кемеңгер билер болып келеді. Батасыз, тілексіз өмір болмайды. “Батамен ер көгереді, жаңбырмен жер көгереді” деп халқымыз текке айтпаған.
-Қай әңгімеде біз тілек,бата айтқаны туралы оқыдық?
-Әжей кішкентай балаларға қандай тілек айтты?
Оқушылардың жауаптарын тыңдау
(Ұ,Ө)Мәтінмен жұмыс. Әдебиеттік оқу, 46-бет
Мақсаты: Мәтінді түсініп оқу.Тақырыбы бойынша негізгі ойды анықтау.
Оқушыларға мәтінді тізбектеп оқыту.Оқу барысында қажетті сөздерді белгілеу.
(Т,Ұ,Қ) «Бізден сұрақ, сізден жауап» ойыны Мақсаты: Сұрақ-жауап арқылы мәтіннің мазмұнын талдап, оқушылардың түсініктерін анықтау. Тапсырма:Мәтін мазмұны бойынша сұрақ құрастырыңдар, қойған сұраққа жауап беріңдер.
Оқушылар бір-бірінің жауаптарын басбармақ арқылы бағалайды.
(Т,Қ)Карточкамен жұмыс
Мақсаты:Мәтіннен негізгі ақпаратты таба білу қабілеттерін дамыту.
Тапсырма:Мәтіннен ақпаратты тауып, кестені тотырыңдар.
Жетес деген кім?
Төлеби деген кім?
Жетестің жасы нешеде?
Төлебидің жасы нешеде?
Жетес не сұрады?
Төлеби не деп жауап берді?
Оқушылар жауаптарды тақтадағы нұсқадан тексереді.Өздерін бағалайды.
(Ө,Қ) Дәптермен жұмыс 21-бет 1-тапсырма
Мақсаты: Мағыналас сөздерді анықтай алу қабілеттерін бағалау.
Тапсырма:Мағыналас сөздерді тап.Оларды бір қатарға жаз.
Дескрипторлар:
-Бата сөзіне мағыналас сөздерді анықтады;
-Ақыл сөзіне мағыналас сөздерді анықтады;
-Білім сөзіне мағыналас сөздерді анықтады.
Жоғарғы балл-3 балл.
Оқушылар бір-бірін жұпта отырып, бағалайды.Дұрыс болса жасыл, дұрыс болмаса сары жолақтың суретін салады.......