Қазақ тілінен сабақ жоспары: Денсаулық спорт туралы мақал-мәтелдер мен жұмбақтар оқимын (2 сынып, III тоқсан )

Пән: Қазақ тілі
Ұзақ мерзімді жоспар бөлімі: Дені саудың – жаны сау
Сабақ тақырыбы: Денсаулық, спорт туралы мақал-мәтелдер мен жұмбақтар оқимын
Оқу мақсаттары: 2.1.2.1 мәтіннің тақырыбы мен тірек сөздердің негізінде мәтіннің мазмұнын болжау
2.1.5.1 аудио-бейнежазба мазмұны туралы өз ойын (ұнайды/ұнамайды, себебі..., пайдалы немесе пайдасыз болды... т.б.) білдіру
Сабақ мақсаттары: Тыңдалған материал бойынша түсінбеген сөздерін белгілейді;
Тыңдалған материал бойынша алған ақпаратын мазмұндай алады;
Мәтін мазмұны бойынша қойылған сұрақтарға жауап береді, қызықты ақпаратымен бөліседі.
Сабақ барысы: (Ұ) «Кім жылдам?» ойыны
Мақсаты:Сабақтың тақырыбын ойын арқылы ашу.
Оқушыларға СПОРТ және ДЕНСАУЛЫҚ сөздері шығатын қима әріптер беріледі.Оқушылар әріптерден сөз құрастырады.
-Балалар, қандай сөздер шықты?
-Осы сөздермен байланысты қандай мақал-мәтелдерді білесіңдер?
/оқушылардың жауаптарын тыңдау/
- Қалай ойлайсыңдар, бүгін біз сабақта не туралы әңгімелесетін боламыз?
Сабақтың тақырыбымен мақсаты хабарлау.
-Балалар, сабақтың соңында қдай жетістіктерге жетеміз деп ойлайсыңдар?
/оқушылардың жауаптаын тақаға критерийлер ретінде жазу/
(МК,Т) «Ойлан!Тап!» ойыны
Мақсаты:Оқушылардың ойлау қабілеттерін дамыту, қызығушылықтарын арттыру.
Топтарға жұмбақтар беріледі.Оқушылар ақылдаса отырып, жұмбақтың шешуін тауып, оқылатын өлеңнің тақырыбын анықтайды.
Онсыз адам еркін жүрмейді,
Қуанышты да өмір сүрмейді.
Байлық та, атақ та керек емес,
Онсыз өмірдің қызығы білінбес.
Бұл не? Денсаулық
(Ж, Ұ) Өлең мазмұнын болжау
Мақсаты:Оқылатын өлеңнің мазмұнын болжау, ойлау қабілеттерін дамыту.
-Балалар, тақтада не жазылып тұр?
/өлең тақырыбы мен тірек сөздер/
-Біз қазір өлең оқимыз.Қалай ойлайсыңдар өлең не туралы болмақ?Өлеңде нақты не туралы айтылады деп ойлайсыңдар?
/оқушылар өз ойларын айтады/
(Ө) Өлеңмен жұмыс.Денсаулық ол.... 4-бет ӘО.
Мақсаты:Оқушылардың мәнерлеп оқу және сұрақтар құрастырып, жауап беру дағдыларын жетілдіру.
1. (Ұ) Оқушылар өлеңнің әр шумағын тізбектеп оқиды.
2. (Ж) Өлең мазмұны бойынша бір-біріне сұрақ қояды.
(Ұ)Өлең мазмұны бойынша сұрақ-жауап жүргізіледі.
-Өлең не туралы?
- Өлең мазмұны бойынша ойымызға не түйдіңдер?
-Өлең сендерге ұнады ма?
-Неліктен?
-Қандай пайдалы ақпарат алдыңдар?
-Өлеңен ойымызға не түйдік?
-Қандай мақал-мәтелдер осы өлеңнің мазмұнына сәйкес келеді?
Оқушылардың жауаптарын тыңдау
(Ө,Қ)Дәптермен жұмыс Әдебиеттік оқу
Мақсаты:Оқушылардың сауатты жазу дағдыларын жетілдіру.
Дәптердегі тапсырмалар орындалады.......