Қазақ тілінен сабақ жоспары: Менің сүйікті ертегім (2 сынып, I тоқсан)

Пән: Қазақ тілі
Ұзақ мерзімді жоспар бөлімі: Өзім туралы
Сабақ тақырыбы: Менің сүйікті ертегім
Осы сабақта қол жеткізілетін оқу мақсаттары: (оқу бағдарламасына сілтеме)2.2.2.2 мұғалімнің көмегімен шығармадағы көркемдеуіш құралдарды /салыстыру, кейіптеу/ табу
2.3.9.1 сөйлем түрлерін айтылу мақсатына қарай ажырату және сәйкес тыныс белгілерін қолдану /нүкте, сұрақ белгісі, леп белгісі/
Сабақ мақсаттары: Барлық оқушылар төмендегіні меңгереді:
• Ертегіні айта алады.Мәтінді оқып, мазмұнын түсіне алады;
Оқушылардың көпшілігі:
• Ертегіні өз бетімен құрастыра алады. Көркем сөздерді пайдаланып өздерін суреттей алады алады;
Кейбір оқушылар:
• Сөйлем құрастырып, түрін ажырата алады..
Сабақ барысы: Ертеңгілік шеңбер»
Таңдай арайлап,
Күндей жадырап,
Жұлдыздай жарқырап,
Судай таза ,
Аспандай ашық көңілмен
Сабағымызды бастайық.
Балалар, мен бүгінгі біздің көңілімізді неге теңедім?
-Қандай сөздерді қолдандым?
/оқушылардың жауаптарын тыңдау/
-Сендер білесіңдер ме, бұл қандай сөздер?
-Бұл теңеу сөздері. Сипаттап, теңегенде айтамыз.
Оқушыларды сабақтың тақырыбымен, мақсатымен таныстыру.
-Үйге қандай тапсырма берілді?
Үйде жаттаған жаңылтпаштарын тыңдау.
Ақпарат: Жаңылтпаш – тілді жаттықтырады және тез айтылады.
(МҚ,Ұ) Жұмбақ жасыру
Керіктің суреті арқылы ақпаратпен бөліседі.
Бұл қандай жануар?
Ол қай жерде өмір сүреді?
Жұмбақ.
Қара ала тоны бар,
Аңдардың ол краны.
Оны сен де танып ал,
Серейiп кеп тұрады. (Керік)
Қосымша ақпарат:Керік (Giraffa camelopardalis) - ашатұяқтылар сүтқоректі. Кейде дала керігі деп аталады. Giraffidae -Арабша – бәрінен биік. Керік – жұп тұяқты күйіс қайтаратын жануардың бір тұқымдасы. Орталық , Шығыс Африканың оңтүстік аймағындағы бұталы, сирек орманды ,жазық далалы жерлерін мекендейді.
(Ұ, Ө)Оқулықпен жұмыс
«Әдебиеттік оқу» оқулығы 25-бет «Ұсқынсыз керік» әңгімесі
1/Мәтінді дауыстап оқу, іштей оқу.
Сөздік жұмыс: Оқушыларға бейтаныс сөздердің мағынасын түсіндіру Ұсқынсыз-
Сирақ-
Келемеж етеді-
Ебедейсіз-
Сұрықсыз-
2/Сұрақ-жауап арқылы талдау: (оқушылар дайын сұрақтарға жауап береді)......