Қазақ тілінен сабақ жоспары: Бірлік күні №10 (3 сынып, IV тоқсан, 8 бөлім)

Пән: Қазақ тілі Т2
Ұзақ мерзімді жоспар бөлімі: 8-бөлім «Демалу мәдениеті. Мерекелер»
Сабақ тақырыбы: Бірлік күні №10
Осы сабақта қол жеткізілетін оқу мақсаттары:
2.5 Оқыған/тыңдаған материал бойынша пікірін білдіру
3.2.5.1 оқыған/тыңдаған материал бойынша өз пікірін (менің ойымша ..., менің көзқарасым бойынша ..., себебі ...) дәлелдеу
5.1 Грамматикалық нормаларды сақтау (лингвистикалық терминдерді қолданбау)
3.5.1.4 мұғалімнің қолдауымен жіктеу есімдіктерінің септелуін және септеулік шылауларды ауызша/жазбаша тілде қолдану
Сабақ мақсаттары:
Оқушылардың барлығы:
мұғалімнің қолдауымен оқыған/тыңдаған материал бойынша өз пікірін дәлелдейді, жіктеу есімдіктерінің септелуін дұрыс қолданады.
Оқушылардың көпшілігі:
оқыған/тыңдаған материал бойынша өз пікірін дәлелдейді, жіктеу есімдіктерінің септелуін дұрыс қолданады.
Оқушылардың кейбірі:
оқыған/тыңдаған материал бойынша өз пікірін дәлелдейді, жіктеу есімдіктерінің септелуін ауызша/жазбаша тілде еркін қолданады.
Сабақ барысы: «Шаттық шеңберіне» шақыру
«Комплимент» тренингі. Оқушылар шеңбер бойымен отырады. Кез келген қатысушы бір жағымды комплимент айтады. Шеңберде отырған оқушылар бұл комплименттің кімге арналғанын табуы керек. Комплимент алған оқушы ойынды әрі қарай жалғастырады.
Ой шақыру
- Суретте қандай мейрам бейнеленген?
- Бұл мереке қашан тойланады?
Сабақтың мақсатымен таныстыру:
- мәтіндегі оқиғаға қатысты өз ойымды айтамын;
- сөйлеу және жазу барысында жіктеу есімдіктерін дұрыс қолданамын.
Мағынаны тану
(Ұ) Жаңа сөздерді меңгерту
Бірлік –
топ –
Дамыту жолдары:
˗ сөздерді суреттер арқылы меңгерту;
˗ сөздерді синоним немесе мағынасы жақын сөздер келтіріп түсіндіру;
˗ сөздермен сөйлемдер ойластыру;
˗ дұрыс айту мен дұрыс жазу жолдарын меңгерту;
˗ сөздерді дауыстап айтқызу.
1-тапсырма:
(Ұ) Мәтінді мұқият тыңда. Сұрақтарға жауап бер.
1 мамыр – Қазақстан халық¬тарының бірлігі күні. Бірлік деген сөзі - бір топтағы адамдар деген мағынаны білдіреді. Осыған дәлел, елімізде 130-дай ұлт өкілдері тұрады. Әр ұлт өкілдері тату-тәтті, береке мен бірлікте, бейбітшілік пен ынтымақта өмір сүріп жатыр.
- Мәтін не туралы?
- Мәтінде неге түсінік беріледі?
(Т) Мәтінді мұқият оқы, «ПОПС» формуласын толтыр.
Бірінші сөйлем «Менің ойымша, ... »
Екінші сөйлем «Себебі, мен оны былай түсіндіремін … »
Үшінші сөйлем «Оны мен мына мысалдармен дәлелдей аламын … »
Соңғы сөйлем «Осыған байланысты мен мынадай қорытынды жасаймын. .....