Қазақ тілінен сабақ жоспары: Абай мұражайында №2 (3 сынып, IV тоқсан, 8 бөлім)

Пән: Қазақ тілі Т2
Ұзақ мерзімді жоспар бөлімі: 8-бөлім «Демалу мәдениеті. Мерекелер»
Сабақ тақырыбы: Абай мұражайында №2
Осы сабақта қол жеткізілетін оқу мақсаттары:
2.4 Оқыған/тыңдаған материалды мазмұндау
3.2.4.1 жоспар (сурет, сызба түрінде) және тірек сөздер негізінде оқиға желісін сақтай отырып мазмұндау
5.1 Грамматикалық нормаларды сақтау (лингвистикалық терминдерді қолданбау)
3.5.1.2 өз бетінше шағын мәтіннен көптік/ тәуелдік/септік/жіктік жалғаулы сөздерді ауызша/жазбаша тілде қолдану
Сабақ мақсаттары:
Оқушылардың барлығы:
тірек сөздер негізінде оқиға желісін мазмұндайды, септік жалғаулы сөздерді мұғалімнің қолдауымен жазбаша қолданады.
Оқушылардың көпшілігі:
оқиға желісін сақтай отырып мазмұндайды, септік жалғаулы сөздерді жазбаша дұрыс қолданады.
Оқушылардың кейбірі:
оқиға желісін сақтай отырып мазмұндайды, септік жалғаулы сөздерді жазбаша еркін қолданады.
Сабақ барысы:«Шаттық шеңберіне» шақыру
Балалар, шеңберге тұрайық, достарымызбен қол ұстасайық! Барлығымыз жақсы көңіл-күйде бір-бірімізге тілегімізді айтайық! Бір-бірімізге қарап күлкімізді сыйлайық!
Ой шақыру
(Ұ) Суреттерге мұқият қарап, сабақтың тақырыбын болжа.
Жетелейтін сұрақтар:
˗ Бұл не? (мұражай)
˗ Қалай ойласыз, бұл кімге арналған мұражайы? (суреттер арасынан атақты тұлғаны атайды, өз ойын айтады)
˗ Бүгінгі сабағымыз не жайлы болады? (Абайдың мұражайы туралы)
Сабақтың тақырыбын болжау
(Абай, ақын, белгілі адам, ғимарат, мұражай, т.б.)
Сабақтың мақсатымен таныстыру:
• Оқиға желісін сақтап, мәтін мазмұнын айтамын;
• жалғауларды дұрыс қолданамын.
Мағынаны тану
(ЖЖ) Жаңа сөздерді меңгерту
Мұражай – не?
арала – не істейді?
Дамыту жолдары:
˗ сөздерді суреттер арқылы меңгерту;
˗ сөздермен сөйлемдер ойластыру;
˗ дұрыс айту мен дұрыс жазу жолдарын меңгерту;
˗ сөздерді дауыстап айтқызу.
(МК, Ұ) Грамматикалық қоржын
Септік жалғауды қайтала.
Мұғалім сөздің басын дауыстап айтады, кез-келген оқушы жалғауын жалғастырады. Оқушы қателессе, қасында отырған көршісі түзетеді.
Кімнің? мен, менің
Кімнің? сен, сенің
Кімнің? Сіз, Сіздің
Кімнің? ол, оның
1-тапсырма:
(Ұ) Мәтінді тыңдап, түсінгеніңді айт.
Мәтінді мұқият тыңдайды. Тірек сөздерді белгілейді. Тірек сөздерге негізделіп мазмұнын айтады.
2-тапсырма:
(Ұ) Мәтінді түсініп оқы.
Мәтінді оқып, мазмұнын талқылайды. Мәтін мазмұнын сұрақ қою арқылы тексереді.
Бұл – Абай мұражайы. Абай – қазақтың ұлы ақыны. Мұражайдың айналасы таза. Гүл мен ағаш көп. Абай мұражайы екі қабатты. Мұражайда Абайдың шығармалары, кітаптары, суреттері, заттары бар. Мұражайда экспонат көп.
Кері байланыс
Тапсырма қызықты болды ма? ....