Қазақ тілінен сабақ жоспары: Сусыз өмір жоқ (3 сынып, IV тоқсан, 7 бөлім)

Пән: қазақ тілі
Ұзақ мерзімді жоспар бөлімі: 7-бөлім «Су – тіршілік көзі»
Сабақ тақырыбы: Сусыз өмір жоқ
Осы сабақта қол жеткізілетін оқу мақсаттары:
4.1 Мәтінді түрлі формада ұсыну
3.4.1.1 тақырыпқа қатысты сөздерді қолдана отырып постер құрастыру, берілген иллюстрация бойынша мәтін (4 сөйлемнен кем емес) жазу
5.1 Грамматикалық нормаларды сақтау (лингвистикалық терминдерді қолданбау)
3.5.1.3 мұғалімнің қолдауымен шағын мәтіндегі етістіктің шақ, рай формаларын ауызша/жазбаша тілде қолдану
Сабақ мақсаттары:
Оқушылардың барлығы:
тақырыпқа қатысты сөздерді қолдана отырып постер құрастырады, иллюстрация бойынша мәтін жазады, мұғалімнің қолдауымен етістіктің шақ, рай формаларын қолданады.
Оқушылардың көпшілігі:
тақырыпқа қатысты сөздерді қолдана отырып постер құрастырады, берілген иллюстрация бойынша мәтін жазады, етістіктің шақ, рай формаларын қолданады.
Оқушылардың кейбірі:
тақырыпқа қатысты сөздерді қолдана отырып постер құрастырады, берілген иллюстрация бойынша мәтін жазады, етістіктің шақ, рай формаларын еркін қолданады.
Сабақ барысы: Ұйымдастыру кезеңі
Сәлемдесу
Түгендеу
Үй жұмысын тексеру
Қызығушылықты ояту
(Ұ) «Ақбұлақ» әнін тыңда, сұрақтарға жауап бер.
Күндіз-түні бір тынбай
Дала кезген шапқылап,
Құмар едім өзіңе
Бала кезден, Ақбұлақ.
Әнге бөлеп маңайды
Асып-тасып жатасың,
Ақ моншақтан аспанға
Шашу шашып жатасың.
Сенің келіп жағаңнан
Анам талай су алған.
Сенің келіп жағаңнан
Әкем атын суарған.
Айналайын, Ақбұлақ,
Асыр салғам жағаңда.
Сенен артық өлкені
Бұл әлемнен табам ба?
- Бұл ән не туралы?
- Ақбұлақ деп неге аталады?
- Тақырыпқа қатысты қандай сөздерді естідіңіздер?
Сабақтың мақсатымен таныстыру
Мағынаны тану
Жаңа сөздерді меңгерту
төк, қат
«Дефиниция» әдісі бойынша сөздік жұмысы жүргізіледі. Іс-әрекет арқылы түсіндіру.
төк - су мұз болып қатады,
- жер сусыз кеуіп қатады
қат - суды ағызу, төгу
1-тапсырма
(Т) Суретке мұқият қара. Тірек сөздерді пайдаланып, сурет бойынша әңгіме құрастыр.
Орындау шарты:
• Тобыңмен бірге берілген суретке қатысты сөздерді жаз;
• Уақыт аяқталған соң келесі суретке ауыс;
• Осылайша 4 сурет бойынша сөздер жаз;
• Басқа топтардың жазған сөздерін қайталама.

• Өздерің жазған тірек сөздерді қолданып, сурет бойынша әңгімеле.
Бір күні.................................
Содан соң ............................
Сол кезде ............................
Соңында.....................................