Қазақ тілінен сабақ жоспары: Көрнекті ұстаз № 3 (3 сынып, III тоқсан, 6 бөлім)

Пән: Қазақ тілі Т2
Ұзақ мерзімді жоспар бөлімі: 6-бөлім Атақты тұлғалар
Сабақ тақырыбы: Көрнекті ұстаз № 3
Осы сабақта қол жеткізілетін оқу мақсаттары:
3.3 Мәтіннің жанрлары мен түрлерін анықтау
3.3.3.1* мәтіннің жанрын (әңгіме, тұрмыс-салт жырлары, бата, мақал-мәтелдер) ажырату, баяндау/сипаттау мәтіндерін анықтау
4.1 Мәтінді түрлі формада ұсыну
3.4.1.1* тірек сөздер, сызбалар, суреттер, символдарды қолданып, постер/мәтін құрастыру.
5.1 Грамматикалық нормаларды сақтау (лингвистикалық терминдерді қолданбау)
3.5.1.2* өз бетінше шағын мәтіннен көптік/тәуелдік/септік/жіктік жалғаулы сөздерді ауызша/жазбаша тілде қолдану
Сабақ мақсаттары:
Оқушылардың барлығы:
Оқыған мәтіннің жалпы мазмұнын түсінеді, мұғалімнің көмегімен постер құрастырады, сөздерді дұрыс байланыстырып жазады.
Оқушылардың көпшілігі:
Мәтіннің жанрын ажыратады, тірек сөздер бойынша постер құрастырады, өз бетінше жалғауларды дұрыс қолданады.
Оқушылардың кейбірі:
Оқыған мәтіннің негізгі ойын түсінеді, тақырып бойынша өз ойын білдіреді, постерді қорғайды.
Сабақ барысы: Тілді жаттықтыру: Ойын «Сенім аралы»
Оқушылар шеңбер болып тұрады. Бастапқы қатысушы жанындағы көршісінің қолын ұстап, «Мен саған сенемін, себебі сен ...» сөйлемді бір сөзбен аяқтайды. Тренинг шеңбер бойымен жалғасады. Сөйлемді мынандай сөздермен аяқтайды: мейірімдісің, ақылдысың, әдептісің, ұқыптысың, тәртіптісің, әдемісің, т.б.
Үй тaпcырмаcын «Aшық микрoфoн» әдici aрқылы текcеру.
Сабақтың тақырыбын суреттер арқылы болжау.
- Суретте кімерді көріп тұрсыңдар?
- Мұғалім не істейді?
Сабақ мақсаттарымен оқушыларды таныстыру.
- оқыған мәтіннің жанрын анықтаймын;
- тірек сөздер арқылы мәтін құрастырамын;
- жалғауларды дұрыс қолданамын.
Мағынаны тану
(МК,Ұ) Жаңа сөздерді меңгерту: ұстаз, білімді
Сөздерді суреттері, синонимдері арқылы және түсінік беру арқылы меңгерту.
Синонимдері:
Ұстаз – мұғалім – педагог – оқытушы
Білімді – білікті – білімдар
Түсініктеме беру:
Ұстаз – балаларды жақсылыққа тәрбиелейтін, білім беретін оқытушы. (Ұстазым бар. Ұстазды сыйлау керек. Ұстаз көп білім береді).
Білімді – білімі бар адам. (Білімді адам, білімді ұстаз, білімді жастар)
(МК,Ұ) Грамматикалық қоржын.
Тәуелдік жалғау – бір заттың басқа бір затқа тәуелді екенін білдіреді.
Менің ұстаз+ым
Сенің ұстаз+ың
Сіздің ұстаз+ыңыз
Оның ұстаз+ы Біздің ұстаз+ымыз
Сендердің ұстаз+дар+ың
Сіздердің ұстаз+дар+ыңыз
Олардың ұстаз+дар+ы
(Ж) Оқушылар тәуелдік жалғауын қолдана отырып, сұхбақта түседі.
- Сенің сүйікті ұстазың бар ма?
- Иә, менің сүйікті ұстазым бар.
- Сенің сүйікті ұстазың кім?
- Менің сүйікті ұстазым Назым Сұлтановна.
(«Сүйікті» деген сөздің орнына «бірінші, алғашқы» сөздерімен алмастыруға болады)
Кері байланыс: Бірнеше жұптың жауаптарын тыңдау, жұптар бір-бірін төмендегідей бағалайды.
жақсы орташа
төмен
(Ж) Мәтінді оқиды. Кестені толтырады.
Ұстаз – дара тұлға. Барлық адамдар ұстаздан білім алады. Ұстаз болу үшін білімді болу керек. Қазақтың алғашқы ұстазы – Ыбырай Алтынсарин. Ол Қостанай облысында дүниеге келген көрнекті білімді ұстаз, жазушы. Алғаш мектеп ашқан, әліппе жазған. Оқушылар оның өлеңдерін жатқа біледі.
Мәтін атауы
Ұстаз болу үшін қандай болу керек?
Қазақтың алғашқы ұстазы кім? Ы.Алтынсарин кім? Ы.Алтынсарин не істеді?
 Кестеге қарап мазмұнын айт.
Кері байланыс. Жасыл немесе қызыл түсті стикер қағаздарымен тапсырманы орындаудағы көңіл-күйін білдіреді. Жасыл түс – тапсырма мен үшін қызықты да түсінікті болды, ал қызыл түс – тапсырманы орындау қиындық тудырды. .....