Қазақ тілінен сабақ жоспары: 7-сабақ Қағаздан ойыншық жасадық (3 сынып, III тоқсан, 5 бөлім)

Пән: Қазақ тілі Т2
Ұзақмерзімді жоспар бөлімі: Өнер
Сабақ тақырыбы: 7-сабақ Қағаздан ойыншық жасадық
Осы сабақта қол жеткізілетін оқу мақсаттары:
1.3 Тыңдаған аудио/бейнематериалдың мазмұнын түсіну
3.1.3.1* тыңдаған материалдың (ұзақтығы 1,5-2 мин) мазмұны бойынша сұрақтарға жауап беру және сюжеттің даму желісі бойынша иллюстрациялар орналастыру/кесте толтыру/мазмұндау
2.1 Сөздік қорды толықтыру
3.2.1.1 берілген тақырыпқа қатысты сөздерді табу және сөйлеу барысында қолдану
2.6 Орфоэпиялық нормаларды сақтау
3.2.6.1 мұғалімнің қолдауымен және айтылуы мен жазылуында айырмашылығы бар сөздерді дұрыс айту
Сабақ мақсаттары:
1. Тыңдаған мәтін бойынша сұрақтарға жауап беру.
2. Тыңдаған мәтінді тірек сөздер арқылы мазмұндау.
3. Жаңа сөздерді дұрыс жазу және айту.
Оқушылардың барлығы: тыңдаған мәтіндегі сөйлемдердің мазмұнын түсінеді, қолдау арқылы оқыған мәтіннің мазмұнын айтады.
Оқушылардың көпшілігі: тыңдаған мәтін мазмұны бойынша сұрақтарға жауап береді, мәтінді тірек сөздердің көмегімен мазмұндайды, айтылуы мен жазылуында айырмашылығы бар сөздерді дұрыс айтады.
Оқушылардың кейбірі: жағдаятқа қатысты өз кеңестерін айтады.
Сабақ барысы: Ой қозғау. Оқушыларға парақтар таратылады. Параққа өткен сабақ бойынша естерінде қалған тірек сөздерді жазады. Өткен сабақ бойынша өткен сөздерді қайталау үшін келесі тапсырма орындалады.
Нұрлан қағаздан
_________________
жасады. Айгерім қағаздан
жасады. Әлібек қағаздан
жасады.
Сабақ мақсатымен таныстыру
1. Тыңдаған мәтін бойынша сұрақтарға жауап беру.
2. Тыңдаған мәтінді тірек сөздер арқылы мазмұндау
3. Жаңа сөздерді дұрыс жазу және айту.
(МК)Тыңдалым. Тыңдалым мәтінінде кездесетін таныс емес сөздермен таныстыру.
гүлдің күлтесі гүлдің сабағы мен жапырағы Қандай гүл?
(МК,Ұ) Грамматикалық қоржын
Кесте бойынша грамматикаға қысқаша түсінік беру.
Сабақ+ы сабағы
Жапырақ+ы жапырағы
(Ө) Тыңдалым. Мәтінді 2 рет тыңдайды.
(Т) Мәтін бойынша сұрақтарға топ болып жауап іздейді.
• Әнел гүлді неден жасады?
• Алдымен не істеді?
• Гүлдің күлтесін қандай түске бояды?
• Жапырағы мен сабағын қандай түске бояды?
• Гүлдің күлтесі мен жапырағын немен жапсырды?
• Әнелдің гүлі қандай болды?
Топтар жауап жазған соң, басқа топтармен жұмыстарын ауысады. Бір-бірінің жауаптарын тексеріп, сынып болып талқылайды. «Пайыздық көрсеткіш» әдісімен бағалайды.
(Ө) Жазылым. Мәтіндегі оқиғалардың ретін анықтайды.
Сөйлемдер Оқиға реті
(1,2,3 ...)
Әнелдің гүлі әдемі болды.
Сөйтіп, гүлдің күлтесі, жапырағын, сабағын желіммен жапсырды.
Содан соң, гүлдің күлтесін қызылға, жапырағы мен сабағын жасылға бояды
Әнел қағаздан гүл жасады
Алдымен, қағазға гүлдің күлтесін, жапырағын, сабағын салды.
Оқушылар тапсырманы орындап болған соң, тақтадан дұрыс жауаптары көрсетіледі. Топтар өз жұмыстарын тексеріп, «Бағдаршам» әдісі бойынша бағалайды.
(Т) Топта бірлесіп, тыңдаған мәтіннің мазмұнын шеңбер бойымен айтады. Тірек сөздер беріледі.
Гүлдің күлтесі, жапырақ, алдымен, содан соң, желім, қайшы, салады, бояйды, жапсырады.
Топтар бір-бірін екі жұлдыз, бір тілек арқылы бағалайды.
Дескрипторлар:
• сұрақтарға жауап береді;
• оқиғаның ретін сақтайды;
• сөйлем құрылымын сақтап, мазмұндайды......