Қазақ тілінен сабақ жоспары: Тәулік (3 сынып, II тоқсан, 3 бөлім)

Пән: қазақ тілі
Ұзақ мерзімді жоспар бөлімі: 3-бөлім «Уақыт»
Сабақ тақырыбы: Тәулік
Осы сабақта қол жеткізілетін оқу мақсаттары:
3.4. Сұрақтар мен жауаптар құрастыру
3.3.4.1 мәтін мазмұны мен кейіпкерлерінің іс-әрекетін нақтылау үшін сұрақтар (қандай? қай? қашан? қайда?) құрастыру және оған жауап беру
1.3. Тыңдаған аудио/ бейнематериалдың мазмұнын түсіну
3.1.3.1* тыңдаған материалдың (ұзақтығы 1,5-2 мин) мазмұны бойынша сұрақтарға жауап беру және сюжеттің даму желісі бойынша иллюстрациялар орналастыру/кесте толтыру/мазмұндау
Сабақ мақсаттары:
Оқушылардың барлығы:
тақырыпқа қатысты сөздерді қолданады.
Оқушылардың көпшілігі:
тақырыпқа қатысты сұрақтарға жауап береді, сөйлемді дұрыс интонациямен оқиды, сөйлемді дұрыс құрайды.
Оқушылардың кейбірі:
иллюстрация бойынша мәтін құрастырады.
Сабақ барысы: Ұйымдастыру кезеңі.
Психологиялық жағымды ахуал қалыптастыру
«Көңіл-күй неге ұқсас?» Ойыншылар олардың бүгінгі көңіл-күйлері неге (қай жыл мезгіліне, ауа райына, табиғаттың құбылысына) ұқсас екенін айтып береді. Ойынды үлкен дер бастаса жақсы болар еді: «Менің қазіргі көңіл-күйім көгілдір аспандағы жылы, жұмсақ күннің көзіне ұқсайды, ал сенің ше?». Жаттығу шеңбер бойымен жалғаса береді. Ойынның сонында жауаптар қорытындыланады, бүгінгі шеңберіміздегі балалардың көңіл-күйі қандай екен: қайғылы, көңілді, күлкілі, ызаланған т.б.Жауаптардың қорытындысын шығарған кезде, жаман ауа райы, суық, жаңбыр, түнерген аспан сияқты элементтер агрессивті, қобалжу күйлердің көрсеткіштеріне назар аударыңыз.
Ой шақыру
КЕШКЕТАҢЕРТЕҢТҮНДЕКҮНДІЗ
Сөздер тізбегінен тәулік мезгілдерінің атауын тауып оқиды және ретімен орналастырады.
Сөздерді негізге алып, сабақтың тақырыбын болжайды.
Оқушылардың назарын сабаққа аудару.
Сабақтың мақсатымен таныстыру
• Уақытты білдіретін сөздерді табамын.
• Оқыған мәтіннің мазмұнын түсінемін.
• Уақытты білдіретін сөздерді сөйлемде қолданамын.
Мағынаны тану
(МК,Ұ) Жаңа сөздерді меңгерту
Оқушылар назарына сөздер мен суреттер беріледі, мағынасына қарай сурет пен сөзді сәйкестендіру қажет.
№1 тапсырма. Сурет пен сөзді сәйкестендір.
№2 –тапсырма. Сөздерді қатыстыра отырып, сөйлем құрастыр.
Мысалы: Ертең мектепке сағат сегізде келіңіз.
Қазіргі заманда уақыт тапшы.
ТЖ. Айтылым.
Сыныпты төрт топқа бөліп, әр топқа бір-бір тәулік мезгілі бар сурет ұсынылады. Әр топ өз суретіне тақырып қояды. Топтар өз тақырыптарын неге қойғандығын, тәулік мезгілдерінің ерекшеліктерін 2-3 сөйлеммен айтып береді. Сосын, тақтаға өз суреттерін мезгіл ретімен орналастырады. Тақырыптарын жанына желімдейді. Соңында бір-бірін комментарий арқылы бағалайды.
Комментарий үлгісі: 1 немесе 2 ерекшелігін тапты.
Кері байланыс. «Смайликтер» арқылы тапсырма бойынша кері байланыс жасайды.
Айтылым. Белсенді болайық. Суретпен жұмыс.
* Бір тәулікте неше мезгіл бар? (төрт мезгіл)
* Бір тәулікте неше сағат бар? (24 сағат)
* Екі тәулікте неше сағат болады?
Суретке қарап, әр тәулік мезгілінің неше сағат болатынын анықтаңдар.
Тыңдалым.
Бір тәулікте Қазақстанда бір тәулікте 150 мәшине шығарылады. Бұзау бір тәулікте 4-5 литр сүт ішеді. Атырау мұнай өңдеу зауыты бір тәулікте 7 мың тонна мұнай өңдейді. Су шүмектен тамшылап ақса, бір тәулікте 150 литр су ағады. Мысық бір тәулікте 17-18 сағат ұйықтайды.
Тапсырма.
Оқушылар мәтінді тыңдап, алдын ала таратылған үлестірме қағаздрға сызылған кестені толтырады.
Не? Қашан? Қайда? Не істейді?
Дескриптор:
 Кестеге қажетті ақпаратты орналастырады;
 Мәтін мазмұнын түсінеді;
Кері байланыс: «Тосын сұрақ» әдісі арқылы жүргізіледі. Мұғалім «Тапсырманы орындауда не қиын болды? Неліктен?» деген сұрақтар арқылы кері байланыс береді.....