Сауат ашудан сабақ жоспары: №137-сабақ Ойын ережесі деген не? Ц дыбысы мен әрпі (1 сынып, 6 бөлім )

Пән: Сауат ашу.
Ұзақ мерзімді жоспар бөлімі: «Салт-дәстүр және ауыз әдебиеті»
Сабақ тақырыбы: №137-сабақ Ойын ережесі деген не? Ц дыбысы мен әрпі
Осы сабақта қол жеткізілетін оқу мақсаттары: (оқу бағдарламасына сілтеме) 1.2.9.1 әріпті тану, ажырату және оны дыбыспен сәйкестендіру
1.1.9.1 сөздегі дыбыс түрлерін (дауысты, дауыссыз, жуан және жіңішке дауыстылар) ажырату және дұрыс дыбыстау
1.2.1.2 оқудың түрлерін (буындап оқу, жиі кездесетін сөздерді тұтас оқу, түсініп оқу) қолдану
1.1.4.1 мәтіннің мазмұнын тақырыбы, иллюстрациясы бойынша болжау
1.3.8.1 жазу жолын, жоларалық кеңістікті, жолдың жоғарғы және төменгі сызығын сақтап, әріп элементтерін каллиграфиялық талаптарға сай жазу
Сабақ мақсаттары :
Барлық оқушылар:
- мұғалімнің басшылығымен әріпті тану, ажырату және оны дыбыспен сәйкестендіру;
- дыбыстарды айтып көру арқылы сөздегі дыбыс түрлерін (дауысты, дауыссыз, жуан және жіңішке дауыстылар) ажырату және дұрыс дыбыстау;
- үлгі негізінде 3-4 буынды сөздерді буындап, 2-3 ашық және тұйық буынды сөздерді тұтас әрі түсініп оқу;
- берілген тақырып пен сурет бойынша жетекші сұрақтар көмегімен мәтін мазмұнын болжау;
- жазу жолында бас әріп пен кіші әріп биіктігін және көлемін бағдарлап үйрену;
Оқушылардың көбі:
- әріпті тану, ажырату және оны дыбыспен сәйкестендіре дұрыс оқу;
- сөздегі дыбыс түрлерін (дауысты, дауыссыз, жуан және жіңішке дауыстылар) ажыратып, дұрыс дыбыстау;
- 3-4 буынды сөздерді буындап, 2-3 ашық және тұйық буынды сөздерді тұтас әрі түсініп оқу;
- мәтіннің мазмұнын тақырыбы мен иллюстрациясы бойынша болжау;
- жазу жолында бас әріп пен кіші әріптің биіктігі мен мөлшерін сақтап көлбеу, үзбей және біркелкі орта темппен жазу;
Оқушылардың кейбірі:
- әріпті тану, ажырату және оны дыбыспен сәйкестендіру;
- сөздегі дыбыс түрлерін (дауысты, дауыссыз, жуан және жіңішке дауыстылар) ажырату және дұрыс дыбыстау;
- құрылымы күрделі сөздерді буындап, 2-3 ашық және тұйық буынды сөздерді тұтас әрі түсініп оқу;
- мәтіннің мазмұнын тақырыбы мен иллюстрациясы бойынша жасаған болжамын негіздеу;
- жазу жолында бас әріп пен кіші әріптің биіктігі мен мөлшерін сақтап көлбеу, үзбей және біркелкі шапшаң жазу;
Сабақ барысы: І. Ұйымдастыру кезеңі.
(Ұ, Ж, қ) Қызығушылықты ояту.
Сөз ойла, тез ойла!

(Т) Оқушылар топтарға біріктіріледі. Әр топ өздерінің құраған сөз санын есептейді. Сөздерін толықтырады. 2 минут ішінде сөздерден сөйлем құрап айтады.

Сабақ мақсаты хабарланып, бағалау критерийлері оқушылармен бірге белгіленеді.
1.2.9.1, 1.1.9.1, 1.2.1.2, 1.1.4.1 (Ұ, Ж, қ) Оқулықпен жұмыс
• Суретке зер сал.
- Суреттен кімдерді көріп тұрсыңдар?
- Сайқымазақ қайда болады? Олардың іс әрекеттеріне баға бер.
Мұғалім оқушыларға диктор арқылы цирк туралы үнтаспаға жазылған мәлімет пен суреттерді көрсетеді. Сонымен қатар «Цц» әрпімен таныстыру жұмыстарын жүзеге асырады.
• «Цирк» сөзінің қай әріптен басталып тұрғанын анықтату;
• Цирк туралы мәлімет беру;
• Артикуляциялық жаттығулар орындау;
• «Ц»дыбысының қатаң, дауыссыз дыбыс екенін аңғарту;
• «Ц»дыбысы бар сөздерді хормен қайталату;(цех, мотоцикл, цифр, концерт)
• «Ц» дыбысының сөздің басында, ортасында келетінін аңғарту;
• «Ц» дыбысының орыс тіліндегі сөздерде кездесетінін байқату;
• «Ц»дыбысының айтылу, жазылу ерекшелігіне көңіл бөлу;
Есте сақта!
Хормен қайталап айту.
Мәтінмен жұмыс. «Ыстық орындық» әдісі
Мәтінді мұқият оқы.
іштей оқу;
тізбектей оқу;
теріп оқыту;
- Сайқымазақтың ойын ережесін бұзған жерін тауып оқы.
мәнерлеп оқу;
Мәтін мазмұнын қаншалықты түсінгендерін «Ыстық орындық» әдісін жүргізу арқылы анықтау.
Оқушылар топтарға біріктіріледі. Олар мәтінді мұқият тыңдайды. Топта ой бөлісіп, ортақ шешімге келеді. Құрастырған сұрақтарына сынып алдында жауап алады.
Ойлан, тап!
• Мәтін не туралы?
• Бұл ойын қалай аталады?
• Ойын ережесі деген не?
• Іздеуші кім болды? _________
• Балаларға ойын ережесін кім түсіндірді? ____________
• Мағжан неге қайтадан іздеуші болды? Неліктен? Белгіле(v)
• Ойын соңында Мағжанның істеген әрекеті қандай? Саған ұнады ма? Белгіле ().
• Неліктен?
Оқушылар соңында «Екі жұлдыз, бір тілек» тәсілі арқылы сағат тілі бойынша қасында отырған топтағы оқушылардың сабақтағы белсенділігіне, тапсырмаларды орындауына байланысты екі жетістігін көрсетіп, бір ұсынысын білдіреді.
Дескриптор:
- әріпті ажыратады;
- әріпті дыбыспен сәйкестендіреді;
- сөздегі дыбыс түрін дұрыс ажыратады;
- әріптерді дұрыс дыбыстайды;
- сөздерді түсініп оқиды;
- мәтінді болжай біледі;
1.2.9.1, 1.1.9.1, 1.2.1.2, 1, 1.3.8.1 (МК, Ө) Көркем жазу.
Ц әрпін жазып, үйренейік!
Бейнетаспадан Ц әрпінің жазылу үлгісін көрсету.
Үлкен жолдың ортасынан жоғары қарай сәл көтеріп, оңға қарай бұрып, сәл ілмек салып, төменге қарай түсіреміз, қайтадан жоғары көтеріп, үстінен басып қайта төменге түсіреміз, оңға қарай сәл көтеріп, ілмек жасаймыз.
Мұғалім оқушыларға Ц әрпінің бөліктерін бірге жазуды ұсынады.
• Ц әрпін ауада жазу;
• Ц әрпінің элементтерін жазып үйрену;
• Кең жолды дәптерге жазу үлгісін көрсету;
• Сөздерді байланыстырып жазу дағдыларын қалыптастыру;
Дескриптор:
- әріп бөліктерін дұрыс салады;
- әріпті танып, ажыратады;
- әріптерді бір-бірімен байланыстырып жазады;
- жолдың жоғарғы және төменгі сызығын сақтап жазады:
- әріп элементтерін каллиграфиялық талаптарға сай жазады;
Сергіту сәті:
Мұғалім оқушыларға ұлттық ойындар мен ұлттық кейіпкерлер түрлерін араластырып айтады. Ойын шарты: ұлттық ойындарды айтқанда бір рет шапалақтау, ал ұлттық кейіпкерлерді айтқанда екі рет шапалақтау.
Мысалы:Ханталапай - бір рет шапалақтау
Алдаркөсе - екі рет шапалақтау.
Қыз қуу- бір рет шапалақтау.
Қожанасыр- екі рет шапалақтау.
Алпамыс- екі рет шапалақтау.
Арқан тарту- бір рет шапалақтау......