Сауат ашудан сабақ жоспары: Драма сахналық қойылым (1 сынып, 5 бөлім )

Пән: Сауат ашу.
Ұзақ мерзімді жоспар бөлімі: «Саяхат»
Сабақтың тақырыбы: Драма, сахналық қойылым
Осы сабақта қол жеткізілетін оқу мақсаттары: ОБ сілтеме) 2.1.4.1 Сөйлеу қабілетін дамытады және көпмағыналы сөздерді қолдана бастайды
2.1.5.1 Орынды сөздік қорды қолданып, өз идеялары мен сезімдерін бейтаныс жағдаяттарда түсіндіреді
Сабақ мақсаттары: Мәнерлеп оқиды, өз тарапынан қойылған сұрақтарға көпмағыналы сөздерді қолданып жауап беруге үйренеді. Әдеби сөздермен ойын айтуға жетелеу. Әдеби сөздермен өз ойын айтуға үйрену.
Сабақ барысы: (Ұ) Оқушылармен шеңбер құру.
Шеңберге тұрып аяқталмаған сөйлем ойынын ойнайды. Мұғалім сөйлемді бастайды, оқушы аяқтайды.м/ы: Мектеп алдында....., сынып бөлмесінде....., Досымның ...........
(Ұ,Т) Оқушылар шеңберде отырады. Бүгін біз ұшатын кілеммен саяхатқа аттанамыз. (баяу музыка әуені естіледі)
Көздерімізді жұмып «Ұшатын кілеммен» саяхатқа аттанамыз.
Ойлау қабілетін ынталандыратын сұрақтар қойылады: Біз қайдамыз ? Қаладамыз ба ? Ауылдамыз ба? Бұл қандай жер екен? Бұл жерде дыбыстар естісек, ол ненің дыбысы болуы мүмкін? Иіскесек ше? Жерге қонғанда кімдермен кездесуіміз мүмкін? Не көруіміз мүмкін?
- Біз қайда келдік?
- Жұмбақ әлеміне келдік.
(МК) « Ой тастау» Жұмбақ шешу.
Екі басы жұдырықтай,
Ортасы қылдырықтай (құмырсқа)
Қос мекенді жануар (құрбақа)
Жыл басы қай жануар? (тышқан)
- Балалар, осы құмырсқа, құрбақа, тышқан үшеуі жолға шығады. Олар жолға неге шықты деп ойлайсындар?
-Білгілерің келе ме?Олардың саяхаты туралы белгілі жазушы Сәкен Жүнісов әңгімелейді.
(МК) Есіңе сақта! Автор туралы.
1934ж Көкшетау облысы Қызылтау ауданында дүниеге келген .Халық жазушысы Қазақстан Мемлекеттік сыйлығының иегері
(Т, МК) Топпен жұмыс. Сынып үш топқа бөлінеді.
«Құмырсқа» тобына 1-ші бөлім
«Құрбақа» тобына 2-ші бөлім
«Тышқан» тобына 3-ші бөлімді оқыту
(Т, Ж) Ойын «Тілші және оператор» Сыныптан әр топқа тілші және оператор сайланады.
Тілші келіп әр тор мүшелеріне сұрақ қояды,топ мүшелері жауап береді, оператор қойылымға түсіреді.
«Құмырсқа» тобына: Өзі тар,өзі қараңғы,өзі қауіпсіз ненің мекені?
Топ мүшелері сұраққа жауап беру үшін сахналайды. Оператор қойылымды түсіреді.
«Құрбақа» тобына: Өзі жайлы,өзі биік,өзі жұмсақ ненің мекені?
«Тышқан» тобына : Өзі салқын,өзі дымқыл,өзі көлеңке ненің мекені?
Соңында оқушылар төмендегі қорытындыға келеді.
Дүниедегі ең жайлы,ең жақсы қоныс-Әркімнің өз мекені, өз жері екен.
● Туған жердей жер болмас,
Туған елдей ел болмас.
● Әркімнің өз жері – Мысыр шаһары.
Бақа көлінде патша,
● Балық суында патша,
Жігіт елінде патша.
Ендеше бізде ұшатын кілемге отырып өз мекенімізге қайтайық......