Сауат ашудан сабақ жоспары: Жарнама плакаттары мен кітапшаларды дайындау №1 (1 сынып, 5 бөлім )

Пән: Сауат ашу.
Ұзақ мерзімді жоспар бөлімі: «Саяхат»
Сабақ тақырыбы: Жарнама плакаттары мен кітапшаларды дайындау №1
Осы сабақта қол жеткізілетін оқу мақсаттары: (оқу бағдарламасы на сілтемеу) Ж6.Берілген сөздердің көмегімен қарапайым постерлер (мысалы, «Наурыз құтты болсын» деген жазуы бар постер) мен жарнамалар құрастырады.
Сабақ мақсаттары: Саяхат жайлы жаңа сөздерді үйренеді.Постер құрастыруда сөздер мен сөз тіркестерін пайдаланып, сөздерді таңдап жазады, оқиды, талдайды. Постер жасауда тыныс белгілерін пайдаланады.
Сабақ барысы: (Ұ) Ұйымдастыру кезеңі: «Шаттық шеңбері»
-Қайырлы таң, көздерім! Ояныңдар. (Көздерін сипайды).
-Қайырлы таң, құлақтарым! Ояныңдар. (құлақтарын сипайды).
-Қайырлы таң, қолдарым! Ояндыңдар ма? (Қолдарымен шапалақтайды).
-Қайырлы таң, аяқтарым! Ояндыңдар ма? (аяқпен жерді тарсылдату).
-Қайырлы таң, күн! Мен ояндым!. (Күлімсіреп, күнге қолдарын созады)
2).Балалардың көңіл -күйлерін сұрау.
Көңілсіз Көңілді Қуанышты
(Ұ) Диалог құру
-Балалар, өткен сабақта біз қаламызға келе жатқан саяхатшыны қарсы алуға дайындалып, жол маршрутын жасадық. Бүгінгі сабақта осы дайындықты ары қарай жалғастырамыз.
-Қаламыздың қандай жақсы, көрікті жерлері мен орындары бар, кәне есімізге түсірейікші.Жол картасына назар аударайықшы.
/оқушылардың жауаптарын тыңдау/
-Енді саяхатшыға өз қаламызды қалай таныстыратынымызды ойластыру керекпіз.
(Т) Сабақтың тақырыбын ашу
Топтарға жарнамалар жазылған әр түрлі парақтар таратылады. Оқушылар топта отырып жарнамаларды оқиды, талқылайды. Бір-бірімен не түсінгендері жайлы өз пікірлерімен бөліседі.
-Балалар, қалай ойлайсыңдар бұл не?
-Жарнама дегеніміз не?
-Жарнамаларды қайдан көруге болады?
-Нелерді жарнамалайды?
-Жарнама не үшін керек?
-Ендеше сабағымыздың тақырыбы Жарнама плакаттары мен кітапшаларды дайындау
-Сабағымыздың мақсаты: Берілген сөздердің көмегімен қарапайым постерлер мен жарнамалар құрастыру.
-Қандай критерийлерді құрамыз?
/оқушылардың жауаптарын тыңдау/
(Ұ) Сөзбен жұмыс
ЖАР-НА-МА /3 буын, 7 әріп, 7 дыбыс/
Оқушыларға сөзді буынға бөліп жазғызу, фонетикалық талдау жасап, дыбыстарды қайталату.
(Ұ) Оқушылармен диалог құру
-Балалар, егер біз қандай да бір әңгіменің басты кейіпкерін қаламызға шақырған болсақ, оған не айтар едік?
-Оны біздің қаламыздың қай жері қызықтырар еді?
-Оның қызығушылығын тудыратын жердің жарнамасын жасайық.
(МК) Оқушыларға жергілікті жерді жарнамалау үшін «Бірлесіп жазу» әдісін қолдану арқылы постер дайындау. Бірлесіп жазуды жүзеге асыру үшін үлгі жоспар дайындау. Постерге адамдарды сол жерге саяхат жасауға тартатындай сөздер жазу. Соңында леп белгісі қойылатындай сөйлем үлгілерін көрсетіп, талдау.
Мысалы:Көкшенің тамаша жерлерін тамашалаңыздар!
Көкшетау –сұлу қала, ару қала!
Сергіту сәті «Көңілді балақайлар» биі
(Т) Жарнама жасау
Тапсырма:Жергілікті жерді жарнамалайтын постер дайында.
Оқушылар маркерлер мен суреттерді және қима сөздерді қолдана отырып, жарнама плакаттарын дайындайды. Жұмыс барысында оқушыларға ұрандар мен кей-бір сөздердің жазылуын түсіндіріп, көрсету.Ақ параққа жазғызып оқыту. Содан кейін постерге көшірту.
Тірек сөздер
Мысалы: ....... ойын-сауық орталығы,
Бар баланы қуанып қарсы алады.
....... келіңіз, тамашаны көріңіз!
Шынықсаң – шымыр боласың!
Спорт –денаулық кепілі.
Бізде бәрі дәмді!
Кітап- білім бұлағы...
(ҚБ) Тірек сөздерді пайдалана отырып, оқушылардың жарнама плакаттарын жасау қабілеттерін бағалаймын......