Сауат ашудан сабақ жоспары: Мектеп туралы әңгімелер оқу Ыы дыбысы мен әрпі (1 сынып,2 бөлім )

Пән: Сауат ашу.
Ұзақ мерзімді жоспар бөлімі: Менің мектебім
Сабақтың тақырыбы: Мектеп туралы әңгімелер оқу. Ыы дыбысы мен әрпі
Осы сабақта қол жеткізілетін оқу мақсаттары: (ОБ сілтеме) 1.2.6.1мұғалімнің көмегімен ерекшелігіне қарай мәтін жанрын (өлең, әңгіме, ертегі) ажырату
1.2.2.1 мәтінде автордың кім (не) туралы айтқысы келгенін түсіну
1.2.5.1 мәтін иллюстрациясы бойынша сұрақтар қоя білу немесе оқығаны бойынша қойылған сұраққа жауап беру
1.1.7.1 тыңдалған мәтінге өз көзқарасын жай сөйлеммен білдіру (ұнайды/ ұнамайды)Тыңдалған мәтінге өз көзқарасын жай сөйлеммен білдіру (ұнайды/ ұнамайды)
Сабақ мақсаттары: Бірін-бірі тыңдап, сұрақтарға толық жауап береді.
Өз үйлерін сипаттап әңгімелеп береді.
Сабақ барысы: (Ұ) Балалар шеңберге жиналады.
Балалар өздерінің қай мектеп оқушылары екені туралы әңгімелейді.
(Ұ) Ұйымдастыру кезеңі.
Психологиялық дайындық.
Бір, екі, үш,
Сынып іші тып-тыныш
Жалқаулықты тастаймыз
Сабақты біз бастаймыз.
- Ыдыстарды көрсетіп әрбір ыдыстың жеке – жеке атын айтамыз. Балалар , осыларды жалпылама қалай айтамыз? (Ыдыстар)
-«Ыдыс » деген сөзде бірініші қандай әріп келіп тұр ? (ы әрпі)
-Ендеше, балалар бүгін біз ы дыбысын өтеміз. Ы дауысты дыбыс,оны қызыл үйге кіргіземіз . «Ыдыс» сөзін буынға бөлейік.Неше буын болды ? (екі буын)
Ауада жазу. Ыы
Ыдыс,ырыс, Ыдырыс, қыс, мыс, мысық, ыстық, ынталы, қызыл, қызық.
- Балалар сендерге мектепте оқыған ұнай ма?
- Ендеше бүгін мектеп туралы мәтіндер оқимыз.
(МК) Мектеп туралы мәтіндер оқу.
Менің мектебім!
Менің атым Ерали. Мен бірінші сыныпта оқимын. Біздің мектебімізге 6 жыл. Жуырда біздің мектептің туған күні. Біздің мектеп үш қабатты, іші үлкен, жарық. Менің сыныбым бірінші қабатта, іші кең, жылы және жарық. Менің мұғалімім өте жақсы адам, бізге көп жақсы нәрсеге үйретеді. Мектепте көп жаңа дос таптым. Маған мектебім ұнайды. Мен мектебіме өркендеуін тілеймін.
Менің мектебім!
Мен жаңадан ашылған Назарбаев Зияткерлік мектебінде оқимын. Маған мектепте ұнайды. Мектепте көптеген үйірмелер бар. Солардың біріне мен қатысамын. Ол джиу - джитсу. Мектептің жанында әдемі гүлдер, ағаштар, шыршалар өсіп тұр. Мектептің артқы жағында балаларға арналған алаң бар.
(Ж) Жұппен жұмыс.
- Мәтінді оқып болғаннан кейін, мәтінде жауабы бар сұрақ қойыңдар.
(Ж) Дәптермен жұмыс..
1 – топ. Мектептегі орындардың суретін салу.
2 – топ. Ермексаздан мектеп алаңын жасау.
3 – топ. Мектеп тақырыбына коллаж орындау.
4 – топ. Мектеп тақырыбына берілген өлеңдерді дұрыс орналастыру. .....