Қазақ тілінен сабақ жоспары: Ғаламтормен дұрыс жұмыс жасау – мәдениет №1 (7 сынып, III тоқсан, 1 бөлім )

Пән: Қазақ тілі
Ұзақ мерзімді жоспар бөлім: Ғаламтормен дұрыс жұмыс жасау – мәдениет
Сабақтың тақырыбы: Ғаламтормен дұрыс жұмыс жасау – мәдениет №1
Оқыту мақсаттары: Әлеуметтік - мәдени тақырыптарға байланысты қажетті сөздер мен сөз тіркестерінің мағынасын түсіну.
Сабақтың мақсаты: Оқушылардың барлығы: әлеуметтік - мәдени тақырыптарға байланысты қажетті сөздер мен сөз тіркестерінің мағынасын түсінеді.
Оқушылардың көпшілігі: тақырыпқа байланысты қажетті сөздер мен сөз тіркестерін орынды қолданады.
Оқушылардың кейбірі: өмірмен байланыстыруда әлеуметтік - мәдени тақырыптарға байланысты қажетті сөздер мен сөз тіркестерді қатыстыра алады.
Сабақ барысы: Қызығушылықты ояту кезеңі. Сынып оқушылары сабақтың тақырыбын берілген суреттерді болжай отырып анықтайды. Берілген суреттер бойынша сынып 3 топқа бөлінеді.
Тыңдалымалды тапсырма: Тақырыпқа қатысты түрткі сұрақтар:
- Ғаламтор бізге не үшін қажет?
- Ғаламтормен дұрыс жұмыс жасай білу қаншалықты маңызды?
- Ғаламтор мәдениеті дегенді қалай түсінесің?
Лексикалық минимум:
Құбылыс, әлеуметтік желі, жеке парақша, ғаламтор желісі, тәуелділік, адам психологиясы, сілтеме
Берілген жаңа сөздермен сөз тіркестерін жасау, сөз тіркестерімен сөйлем құрастыру.
Бағалау критерийі Дескрипторлар
Тақырыптқа байланысты қажетті сөздер мен сөз тіркестерінің мағынасын түсіну 1. Берілген жаңа сөздермен сөз тіркестерін жасай алады.
2. Берілген сөз тіркестерімен сөйлем құрастырады.
Тыңдалым тапсырмасы бойынша оқушыларға түрткі сұрақтар қойылады:
-Тыңдалым мәтіні не туралы?
- Ғаламторға тәуелділік дегенді тарқатып айтыңыз?
- Ғаламтор неліктен жүйкеге әсер етеді?
ЖЖ. «Попс формуласы» әдісі арқылы берілген бейнебаян бойынша жаңа сөздерді қолдану арқылы өмірмен байланыстырып, өз ойыңызды жеткізіңіз.
Бірінші сөйлем «Менің ойымша,... »
•Екінші сөйлем «Себебі, мен оны былай түсіндіремін … »
•Үшінші сөйлем «Оны мен мына фактілермен, мысалдармен дәлелдей аламын … »
•Соңғы сөйлем «Осыған байланысты мен мынадай қорытынды шешімге келдім ...» ....