Қазақ тілінен сабақ жоспары: Қазақстан жері – ұлттар достығы мекені (5 сынып, IV тоқсан, 1 бөлім )

Пән: Қазақ тілі
Ұзақ мерзімді жоспар бөлімі: Қазақстандағы ұлттар достастығы.
Сабақтың тақырыбы: Қазақстан жері – ұлттар достығы мекені
Жүзеге асатын оқу мақсаттары: Ж2.Эссе құрылымын сақтай отырып, адамды, табиғатты, белгілі бір оқиғаны сипаттап жазу
ТБ1. Сөз таптары. Болымды, болымсыз етістіктерді ауызша және жазба жұмыстарда орынды қолдану
Сабақтың мақсаты: Барлық оқушылар: Жаңа сөздерді меңгеріп, бейнематериалдың мазмұнын түсінеді.
Көптеген оқушылар: Берілген тақырыпқа байланысты эссе жазады.
Кейбір оқушылар: Жазылған эсселер бойынша өз пікірлерін білдіреді, талдай алады.
Сабақ барысы:
1.Ұйымдастыру.
Сынып қабырғаларына бейнематериалға байланысты сөздер ілініп қойылады. Оқушылар айналып жүріп сөздермен танысады. Мағынасы түсініксіз сөздерді мұғалімнің көмегімен түсінеді.(ауызбіршілік, бірлік бар жерде, тірлік бар; ұлт өкілдері, татулық, сүттей ұйю,этномәдени орталықтар)
Сабақтың мақсаты мен бағалау критерийлері, дескрипторлар талданады.
Эссе жазуға дайындық жұмысы бейнематериал негізінде ұйымдастырылады.
1-тапсырма.
Бейнематериалды тамашаланып, жұптық талқылау жұмысы өтеді. Оқушылар бір-біріне сұрақтар қояды. Одан кейін топ ішінде талқылау жұмысын жүргізеді.
2-тапсырма.
Болымды етістіктерді болымсыз етістікке айналдыру. (тұрады, көмектеседі, айтады, өмір сүреді, достасады, жетеді, сақтайды)
3-тапсырма. Жеке жұмыс.
«Қазақстан жері – ұлттар достығы мекені» тақырыбы бойынша бейнематериалдың мазмұнын негізге ала отырып, эссе жазады.
(Эссе жазуда абзац құрылымын ескеру.
Абзац жазудың негізгі шарттары: Мәтіндер негізінен бірнеше абзацтан тұрады. Бір абзацта бір ой толықтай ашылып жазылады . Әр абзац тақырыптық сөйлемнен ,қолдаушы сөйлемнен және қорытынды сөйлемнен тұрады. Тақырыптық сөйлем – абзацтың негізгі идеясын көрсетеді.Қолдаушы сөйлемдер – тақырыптық сөйлемдегі ойды ашатын сөйлемдер. Қорытынды сөйлем – абзацтағы ойды қорытындылайтын сөйлем.)
ҚБ. Оқушылар жазған эсселерін оқиды. Мұғалім кері байланыс береді......