Қазақ тілінен сабақ жоспары: Су-тіршілік көзі 3 (5 сынып, II тоқсан, 2 бөлім )

Пән: Қазақ тілі
Ұзақ мерзімді жоспар бөлімі: Су тіршілік көзі
Сабақ тақырыбы:Су-тіршілік көзі 3
Осы сабақ арқылы жүзеге асатын оқу мақсаты:О6. Өзіндік көзқарасын білдіру және бағалау
5.О6. Тақырып бойынша үйренген сөздерін қолдана отырып, мәтінде көтерілген мәселеге өз көзқарасын білдіру.
Сабақ мақсаты: Оқушылар жұпта оқылым мәтініндегі мәселені анықтап, осы мәселеге қатысты берілген сұраққа өз пікірлерін ортаға салып, сынып алдында қорғау арқылы сөздік қорды еске түсіреді. .
Сабақ барысы: Қызығушылықты ояту
«Көңілді доп»
Өткен сабақтардағы сөздерді еске түсіру мақсатында оқушылар шеңбер бойында тұрып, бірінші оқушы бір сөз айтып, допты екінші оқушыға лақтырады. Екінші оқушы сөзден сөз тіркесін құрайды немесе сөйлем құрап айтады.
Оқушылар қима суреттерді сәйкестендіру арқылы
6 топқа бөлінеді. (Суреттер дидактикалық материалда)
Мұғалім оқушыларды сабақ тақырыбы, оқу мақсаты және сабақ мақсатымен таныстырады.
Бағалау критерийімен таныстырады. 2 минут
Оқылымалды тапсырмасы 3 минут
Мұғалім слайдтан су тапшылығы мәселесіне қатысты оқушыларды жұпқа бөлуде қолданған суреттерді көрсетеді. Әр жұп өздеріне тиісті сурет туралы пікірлерін айтады. Алдыңғы сабақтардағы мәтіндермен байланыстырады. (Суреттер таныстырылымда)
Оқылым мәтіні
Халықаралық зерттеушілер 2030 жылдары планета тұрғындарының 47 пайызына тұщы су жетіспеушілігі болатынын айтады.
БҰҰ-ның Бас хатшысы Пан Ги Муннің: «Әлем тұщы су үшін соғыс жағдайына жақындады» деген сөзі қауіп-қатердің мәнін байқатады. Ұйымның Бас хатшысы бекер алаңдамайды. Оны халықаралық сарапшылардың зерттеулері де дәлелдей түседі. БҰҰ сарапшыларының зерттеулеріне қарағанда, 2020 жылдан кейін әлемнің 22 ірі мега¬полисі құбырлар арқылы келетін тазартыл¬ған судың жетіспеушілігіне ұшырайды. Әсіресе Африка мен Қытай елдерінде қатты білінетін болады. Соның салдарынан Африка халқы Еуропаға көше бастайды екен. 2025 жылы әлемдік нарықта су экспорты халықаралық бизнеске жол ашады. Ғаламшардағы су тапшылығы мәселесі суды қайталап пайдалану технологиясын жасауға әкеледі . Ауыз судың бағасы мұнай бағасынан да бірнеше есе қымбат болады. Бұл болашақта күрделі мәселеге айналып, ауызсу үшін болатын соғыстарға әкелуі мүмкін.
Оқылым тапсырмасы. 7 минут
Әр оқушы мәтінді оқу барысында мәселе көтерілген сөйлемдердің астын сызып отырады. Топта өзара анықтаған сөйлемдерін салыстырып, толықтырады. Мұғалімнің көмегімен оқушылардың жауаптары толықтырылады, мәтіндегі мәселе кездесетін сөйлемдер айқындалады.
Тақтада кластер арқылы мәселелерді толтыруға болады.
Тұшы су жетіспеушілігі су үшін соғыс
Су экспорты судың бағасы
Оқылымнан кейінгі тапсырма 8 минут
Әр жұп өздеріне тиісті мәселенің шешу жолдарын постерге түсіреді.
1-2топ Ауыз су жетіспеушілігін қалай шешуге болады?
3-4-топ Суды қалай үнемдеуге болады?
5-6-топ Су үшін соғысты қалай болдырмауға болады?
1,3,5-топтар, 2,4,6-топтар бірге топтасады. Әр топ өз постерлерін өзге топтарға қорғайды. Әр топқа 2 минуттан уақыт беріледі. 6-7 минут
Бағалау
Топтар әр топты тыңдап болғаннан кейін, бағалау парағына бағалау критерийі мен дескрипторлар бойынша өзара бағалайды.....