Қазақ тілінен сабақ жоспары: Әдептілік (5 сынып, I тоқсан, 2 бөлім )

Пән: Қазақ тілі
Ұзақ мерзімді жоспар бөлімі: Мектеп өмірі
Сабақтың тақырыбы: Әдептілік (қайталау сабағы)
Осы сабақ арқылы жүзеге асатын оқу мақсаттары:А5. Сенімді және еркін жауап беру
Сабақтың мақсаты:Барлық оқушылар орындай алады:
Берілген сұрақтарды түсінеді, жауап береді.
Оқушылардың көпшілігі орындай алады:
Берілген сұрақты дұрыс түсініп, лайықты жауап береді, шағын диалогке қатысады.
Кейбір оқушылар орындай алады:
Берілген сұрақты дұрыс түсініп, лайықты жауап береді, шағын диалогке қатысады. Өз көзқарасын сенімді білдіреді.
Сабақ барысы: Қызығушылықты ояту
Берілген өлең жолдарын «Дыбыс шкаласы» әдісі арқылы оқыту. Оқушылардың мәнерлеп оқу және дауыс ырғағын қалыптастыруға арналған жаттығу.
Әдептілік дегенің,
Әрқашанда керегің.
Әсемпаздық дегенің,
Әуре сарсаң әлегің.
Сабақтың мақсаты таныстырылады.
Жұптық жұмыс.
«Кафель» әдісі Өз жұбымен ойын бөліседі.
Тапсырма.
1.Сұрақтардың айналасына сөз,сөз тіркестерін, сын есімдерді айналдыра жазыңыз.
Әдептілік деген не?
Әдепті бала қандай деп ойлайсың?
2. Өз ойыңызды сыныптасыңызбен бөлісіңіз.
Бағалау. «Бас бармақ» әдісі
Топтық жұмыс. «Хатқа жауап»
Оқушыларды санамалау арқылы екі топқа бөлеміз.
Екі конвертте екі түрлі ситуациялық жағдаят берілген, топта ақылдаса отырып өз ұсыныстарын білдіреді.
1- топқа
Достар!
Велосипедпен жарысып келе жатқан Елдос жолдың шетінде тұрған қарияны көреді. Не істеу керек? Жол беріп, өткізіп жіберсе, жолдастарынан қалып қояды. Жарыстың аты жарыс, Елдос қарияның жолын кесіп өтеді. Елдостың қылығы дұрыс па, бұрыс па?
2 -топқа
Құрметті достар! Менің көршімнің бір баласы бар.Ол көп өтірік айтады,сабақты да оқымайды, ата-анасын тыңдағысы келмейді. Маған күнде келіп ойнағысы келеді. Мен онымен дос болып бірге ойнайын ба?.....