Қазақ тілінен сабақ жоспары: Демалыс туралы әңгіме жазу (2 сынып, IV тоқсан )

Пән: Қазақ тілі
Ұзақ мерзімді жоспар бөлімі: Саяхат
Сабақтың тақырыбы:Демалыс туралы әңгіме жазу
Осы сабақта қол жеткізілетін оқу мақсаттары: (оқу бағдарламасына сілтеме)4.2 Көркемдегіш құралдарды пайдаланып жазу
2.4.2.1 Сипаттау сөздері мен сөз тіркестерін пайдаланып, жай сөйлемдерді жазады
4.5 Тыныс белгілерін және сөйлем құрылымын нормаға сай қолдану
2.4.5.1 Үлкендердің көмегімен сөйлемдерде үтір, нүкте, сұрақ белгісі, леп белгісін қолданады
Сабақтың мақсаттары:Барлығы: Сипаттау сөздер мен сөз тіркестерін қатыстырып жай сөйлемдер жазады.
Көбі: Оқиға реттілігін сақтап, тақырыпқа сәйкес әңгіме жаза алады. Көмек арқылы тыныс белгілерін қойып жазады.
Кейбірі: Оқиға ретін сақтай отырып, тыныс белгілерін қойып жазады.
Сабақ барысы: „Өзіңізге тілегенді – басқаларға тілеңіз!“
Әр оқушыға 10 -15 секунд уақыт аралығында ішінен өзіне бір немесе бірнеше ізгі тілек тілеу тапсырылады.Содан кейін қатысушылар жұпқа бөлініп, бір- бірінің қолынан алып, жаңағы өзіне тілегенді жұптасына айту керек.
Сабақтың мақсатымен таныстыру
Оқиға реттілігін сақтап, әңгіме жаза аламын. Жазуда нүктені, үтірді қолданамын.
Әңгіме тауын еске түсіру
(Ұ) Оқиға желісінің ретін көрсететін сөздерді еске түсіру мақсатында сөздер ойынын ойнау (бір күні, сосын, содан соң, келесі, соңыңда).
Шеңберде отырған бірінші оқушы «Бір күні мен жағажайға шықтым. Сосын...» деп тоқтайды. Келесі оқушы «сосын...» деп жалғастырады да, «содан соң» сөзімен тоқтайды, басқа оқушы оны «содан соң» деп жалғастырады және осылай әрі қарай жалғаса береді.
(МК) Демалыс туралы әңгімені жазудың жетістік критерийін көрсету:
Оқушы Баяндау (ауызша) Мұғалім
Міндет
«W» сұрақтарға жауап бердім
«W» сұрақтары – кім? не? қайда? қашан?, неліктен (неге)?
Көмекші сөздерді қолдандым, сөйлемдерді дұрыс ретке орналастырдым.
Көмек арқылы үтірді қолданамын.
Келесіде өз реттілігімді жақсарту үшін не істеуім керек?
Біз тізімдеген кезде үтірлерді қолданамыз, бірақ «және» сөзінің алдында қолданбаймыз, мысалы, Маған ұнайтын спорт түрлері - футбол, теннис және жүзу. Мен үйге келдім, шомылдым және ұйықтауға жаттым.
«Бірлескен жазу» әдісі (оқушыларға сұрақ қоя отырып)
Бір күні досым екеуіміз теңіз жағалауына бардық. Мен итімді ертіп алдым. Біз суға түстік, күнге қыздырындық және ойнадық. Бір кезде итім үре бастады. Басында біз түсінбедік. Сөйтсек жағалауда жылан жүр екен. Сосын біз үлкендерге айттық. Үлкендер жыланды алып кетті. Соңында бәрі итке риза болды.
Сергіту сәті «Айна“
Ортаға екі адам шығады. Жұптағылар бір- біріне қарсы тұрып, екеуінің бірі уақытша айна болады, яғни өз жұптасының барлық қимылын қайталайды. Содан кейін жұптағылар өзара рөлдерін ауыстырады. Олардың бірі орындаушы, ал екіншісі оның айнадағы бейнесі. Топтың басқа қатысушылары көрермендер, олар жұптың ойынын бақылайды және айна рөлін ойнаушының шеберлігіне баға береді. Осылайша жұптар кезекпен ауысады, топ алдына барлық қатысушылар шығып жаттығады.
(Ж, Қ) Демалыс туралы әңгіме жазады. Әңгімені жазуда ұсынылған жетістік критерийлерін басшылыққа алады.
(АКТ қолдануға мүмкіндік беру)
(Т, Қ) «Бағытталған жазу» әдісі
Төмендегі дағдыларын бағалау:
• қарапайым сипаттау сөйлемдерін жазу;
• сын есім, етістікті қолдану;
• тыныс белгілерін қолдану(нүкте, үтір).
(Ұ, Қ) Оқушылар өз еріктерімен әңгімелерін сыныпқа айтады, ал басқалары жетістік критерийлеріне сәйкес бағалайды.
Дифференциация:
қабылдау деңгейі жоғары оқушылар өздігінен әңгіме жазады, жазуда үтірді қолдануға тырысады;
қабылдау деңгейі орташа оқушылар көмек арқылы сипаттау сөйлемдерін жазады және үтірді қолдануға тырысады. .....