Қазақ тілінен сабақ жоспары: Төрт мезгіл туралы оқу (3-сабақ) (2 сынып, IV тоқсан )

Пән: Қазақ тілі (Т2)
Ұзақ мерзімді жоспар бөлімі:Қоршаған орта
Сабақ тақырыбы:Төрт мезгіл туралы оқу (3-сабақ)
Осы сабақта қол жеткізілетін оқу мақсаттары: (оқу бағдарламасына сілтеме)2.1.3.1 тыңдаған хабарлама (ұзақтығы 1 – 1,5 минуттан артық емес) мазмұны бойынша сұрақтарға жауап беру және оған сәйкес фото/ сюжетті суреттер/ сызбалар таңдау
Сабақ мақсаттары:Барлық оқушылар: тыңдаған мәтін мазмұны бойынша мұғалімнің қолдауымен сұрақтарға жауап береді және оған сәйкес суретті таңдайды.
Көптеген оқушылар: тыңдаған мәтін мазмұны бойынша сұрақтарға жауап береді және оған сәйкес суретті таңдайды.
Кейбір оқушылар: тыңдаған мәтін мазмұны бойынша сұрақтарға еркін, толық жауап береді және оған сәйкес суретті таңдайды.
Сабақ барысы: (Ұ) Қызығушылықты ояту. «Сөйлемдер тізбегі»
Оқушылар көктем немесе жаз туралы мұғалімнің бастап айтқан сөйлемін жалғастырып, бір сөйлемнен қосып тізбек жасайды. Тізбекке қосыла алмаған оқушы тізбектегі барлық сөйлемдерді қайталайды.
Оқушыларды сабақтың тақырыбы және мақсатымен таныстыру.
(Ж) Сөз сыры. Оқушылар сурет бойынша сөйлемдер құрастырып айтады. Сурет пен сөзді байланыстырып оқып көреді, сол арқылы жаңа сөздердің мағынасын таниды.
Тапсырманың мақсаты – оқушылардың айтылым дағдысын дамыту, сөздік қорларын жаңа сөздермен байыту.
• күн салқын
• сарғаяды
• піседі
• ұшып кетеді
• жиі-жиі жауады
(Ө,Т) «Тыңда, айт». Оқушылар күз туралы мәтінді тыңдап, тапсырмаларды орындайы. Жасаған жұмыстарын шағын топтарға бірігіп тексереді.
Тапсырманың мақсаты – оқушылардың тыңдалым дағдысын дамыту.
Күзде күн салқын болады. Күз айлары – қыркүйек, қазан, қараша. Күзде жапырақтар сарғаяды, жемістер мен көкөністер піседі. Құстар жылы жаққа ұшып кетеді. Күзде жиі-жиі жаңбыр жауады. Күзде балалар мектепке барады.
1. Мәтін не туралы?
А) Күз
В) Жаз
С) Қыс
Д) Көктем
2. Күз айларын белгіле.
Маусым
Қыркүйек
Наурыз
Қаңтар
Қазан
Қараша
Сәуір
3. Мәтін бойынша дұрыс/бұрыс ақпаратты белгіле.
Күзде күн салқын болады.
Күзде балалар көлде шомылады, демалады.
Күзде құстар ұшып кетеді.
Күзде жапырақтар сарғаяды.
4. Сұраққа жауап жаз. ....