Қазақ тілінен сабақ жоспары: Біздің айналамыздағы табиғат әлемі туралы өлеңдер оқу (1-сабақ) (2 сынып, II тоқсан )

Пән: Қазақ тілі (Т2)
Ұзақ мерзімді жоспар бөлімі: Туған өлкем
Сабақ тақырыбы:Біздің айналамыздағы табиғат әлемі туралы өлеңдер оқу (1-сабақ)
Осы сабақта қол жеткізілетін оқу мақсаттары: (оқу бағдарламасына сілтеме)2.3.1.1. шағын мәтінді түсініп, мәнерлеп (дауыс ырғағын дұрыс қойып)/ рөлге бөліп оқу.
Сабақ мақсаттары:Барлық оқушылар: мұғалімнің қолдауымен шағын мәтінді түсініп, мәнерлеп оқиды
Көптеген оқушылар: шағын мәтінді түсініп, мәнерлеп оқиды
Кейбір оқушылар: шағын мәтінді түсініп, өздігінен мәнерлеп оқиды.
Сабақ барысы: (Ұ) Қызығушылықты ояту. «Айырмашылығын тап!»
Оқушылар берілген сөйлемдерді салыстыру арқылы айырмашылығын табады.
• Қызыл гүл әдемі.
• Қызыл гүл неткен әдемі!
• Қызыл гүл сондай әдемі!
• Қызыл гүл қандай әдемі!
Оқушыларды сабақтың тақырыбы және мақсатымен таныстыру.
(Ұ) Суреттер сөйлейді. Оқушылар берілген суреттер бойынша лепті сөйлемдер құрастырып айтады.
Ықтимал жауаптар:
Неткен кішкентай құс!
Қандай әдемі гүл!
Қандай үлкен ағаш!
(Ө) «Поэзиялық сәт»
Берілген өлеңді дауыс ырғағын келтіріп мұғаліммен бірлесе оқиды. Тыныс белгілеріне назар аударады. Таныс емес сөздердің мағынасын ашып, сөздікке жазады.
Туған өлкем
Елінде күн нұрын төккен,
Жерінде гүл жұпар сепкен,
Неткен сұлу, неткен көркем
Осы менің туған өлкем!
Алтын дәнді даласы бар,
Ақ күмістей қаласы бар,
Неткен сұлу, неткен көркем
Осы менің туған өлкем!...