Қазақ тілінен сабақ жоспары: Менің денем – идеяларды есте сақтау №1 (1 сынып, 8 бөлім )

Ұзақ мерзімді жоспар бөлімі: Дені саудың – жаны сау
Сабақтың тақырыбы:Менің денем – идеяларды есте сақтау №1
Осы сабақта қол жеткізілетін оқу мақсаттары: (оқу бағдарламасына сілтеме)
1.1 Зейін қойып тыңдау
1.1.1.1 Сөздерді зейін қойып тыңдайды, түсінеді және дұрыс қабылдайды
3.1 Зейін қойып оқу
1.3.1.1 Таныс сөздерді буынға бөліп оқиды және сөздердің мағынасын түсінеді.
Сабақтың мақсаттары:
Барлығы: Сөздерді зейін қойып тыңдайды. Таныс сөздерді буынға бөліп оқиды.
Көбі: Сөздерді зейін қойып тыңдайды, дұрыс қабылдайды. Таныс сөздерді буынға бөліп оқиды және сөздердің мағынасын түсінеді.
Кейбірі: Сөздерді зейін қойып тыңдайды, түсінеді және дұрыс қабылдайды. Таныс сөздерді буынға бөліп оқиды, сөздердің мағынасын түсінеді, сөйлемде қолдана алады.
Сабақ барысы: Ертеңгілік шеңбері
(Ұ) Мұғалім дене мүшелерін нұсқап көрсетеді, ал оқушылар сол дене мүшесін айту керек.
Бүгінгі сабақтың тақырыбы:
Менің денем – идеяларды есте сақтау №1
Бүгінгі сабақтың оқу мақсаты:
• Дене мүшелердің атауларын есте сақтау;
• Дене мүшелерінің қызметін білу.
(Тақтада оқушыларға арналған оқу мақсаты жазылады.) Сабақ мақсаттарымен оқушыларды таныстырып өту.
(МК) Оқушылар берілген мәтінді бірлесіп оқиды. Мәтінді оқи отырып, аталған барлық дене мүшелерді өздерінің денелерінен көрсетеді.
Адамның дене мүшелері
Бас, мойын, қол, аяқ, тізе, шынтақ, саусақ, кеуде, иық - адамның дене мүшелері. Мұны адамның қаңқасы дейді. Адамның бас мүшесінде шаш, бет, көз, құлақ, мұрын, ауыз, маңдай, шеке, иек, қас, ерін, тіс, тіл, таңдай, т.б. мүшелер орналасқан. Адамдар баспен ойлайды, көзбен көреді, мұрынмен дем алады, құлақпен естиді, ауызбен тамақтанады, тілмен сөйлейді, тіспен тамақ шайнайды, аяқпен жүреді, қолмен ұстайды.
Бұлардан басқа көзбен көруге болмайтын ағзалар да бар. Олар: асқазан, бауыр, бүйрек, жүрек, өкпе, тамақ, іш.
Дене мүшелерін таза ұстау керек. Беті-қолды сабынмен жуып, тісті тіс щёткасымен тазалап отыру керек. Шашты сусабынмен жиі жуып, құлақтың ішін сабынды сумен жуып тұру керек. Денсаулықтың кепілі - тазалық.
(Ұ) Берілген сөз тіркестерді аяқтаңыз.
1. Адамдар баспен ....................
2. Көзбен ......................
3. Мұрынмен ..........................
4. Құлақпен ...........................
5. Ауызбен ..........................
6. Тілмен ..........................
7. Аяқпен ...........................
8. Қолмен .............................
СЕРГІТУ СӘТІ
Оң қолымда бес саусақ,
Сол қолымда бес саусақ
Қосып едім екеуін
Болып шықты он саусақ......