Қазақ тілінен сабақ жоспары: Көлік туралы жазу үшін ақпараттар №3 (1 сынып, 5 бөлім )

Ұзақ мерзімді жоспар бөлімі: Саяхат
Сабақтың тақырыбы:Көлік туралы жазу үшін ақпараттар №3
Осы сабақта қол жеткізілетін оқу мақсаттары: (оқу бағдарламасына сілтеме)
3.5 Қосымша ақпарат көздерінен алынған мәліметтерді оқу.
1.3.5.1 Үлкендердің көмегі арқылы ақпараттарды таңдайды.
2.2 Тыңдалған мәтінді мазмұндау, дәлелдеу.
1.2.2.1 Қарапайым әңгімелерді (мәтінді) мазмұндайды.
Сабақтың мақсаттары:
Барлығы: Үлкендердің көмегі арқылы ақпараттарды таңдайды.
Мұғалімнің көмегімен қарапайым әңгімелерді (мәтінді) мазмұндайды.
Көбі: Үлкендердің көмегі арқылы ақпараттарды таңдайды және түсініп оқиды. Сұрақтар қою арқылы қарапайым әңгімелерді (мәтінді) мазмұндайды.
Кейбірі: Үлкендердің көмегі арқылы ақпараттарды таңдайды және мазмұндай алады. Өздері қарапайым әңгімелерді мазмұндайды.
Сабақ барысы: Ертеңгілік шеңбері
Мұғалім оқушыларға сұрақтар қояды. Олар өздері түсіндіруге тырысады. Қажет жағдайда мұғалім көмектеседі.
- Балалар, сендер әуежай деген не екенін білесіңдер ме?
- Онда нелер тұрады?
- Ұшақты кімдер жүргізеді?
- Ұшақта жолаушыларға кім қызмет етеді?
(Тақтада оқушыларға арналған оқу мақсаты жазылады.) Сабақ мақсаттарымен оқушыларды таныстырып өту.
«Мен үлкендердің көмегі арқылы ақпараттарды таңдайды.»
Оқулықпен жұмыс. Оқиық бөлімінде мәтінді түсініп оқиды.
Мазмұнын айтады. (33 бет)
Менің атым –Тоты. Мен ұшқышпын. Күнде жаттығу жасаймын. Дұрыс тамақтанып, спортпен айналысамын.Ұшқыш болу үшін ержүрек болу керек.
Сұрақтарға жауап беру:
1. Тоты кім?
2. Ол күнде не жасайды?
3. Тоты немен айналысады?
4. Ұшқыш болу үшін қандай болу керек?
СЕРГІТУ СӘТІ.
Өте биік аспанда/қолын жоғары-төмен сермейді/
Ұшақпен мен ұшамын /ирелектеп көрсетеді/
Жұмсақ, жеңіл бұлттарды/қолдарымен көрсетеді|
Қолдарыммен ұстаймын ./ирелектеп көрсетеді/.....