Қазақ тілінен сабақ жоспары: Саяхат Көлік туралы жазу үшін ақпараттар (1-сабақ) (1 сынып, 5 бөлім )

Ұзақ мерзімді жоспар бөлімі: 5
Сабақ тақырыбы:Саяхат. Көлік туралы жазу үшін ақпараттар.(1-сабақ)
Осы сабақта қол жеткізілетін оқу мақсаттары: (оқу бағдарламасына сілтеме)Ж 4 Дыбыстар мен әріптер арасындағы байланысты біледі, жазуда саналы түрде ескеріп отырады.
Сабақ мақсаттары:Барлық оқушылар төмендегіні меңгереді:
Мұғалімнің, оқушылардың көмегімен дыбыстар мен әріптер арасындағы байланысты біліп, саналы қолданады.
Оқушылардың көпшілігі:
Дыбыстар мен әріптер арасындағы байланысты біледі, жазуда саналы түрде ескеріп отырады.
Кейбір оқушылар:
Дыбыстар мен әріптер арасындағы байланысты біледі, жазуда саналы түрде қолданады.
Сабақ барысы: (МК) Қызығушылықты ояту.
Берілген өлеңді мұғаліммен бірлесе қайталап отырып, қимылмен орындарында жасайды.
Орнымыздан тұрамыз, (орындарынан тұрады)
Қанатымызды жаямыз, (екі қолын екі жаққа ұстайды)
Ұшақ болып ұшамыз. (жарты денесімен ұшу қимылын жасайды)
Суда жүйткіп жүземіз. (қолдарын қосып, ирек сызықты ауада жасайды)
(Ұ) «Әріптеп жаз»
Оқушылардың көліктердің атауы мен бөліктерін сөйлем ішінде сауатты жазу үшін мұғалімнің көмегімен бірінші сөйлемді бірлесе жазады. Мұғалім жазылатын сөйлемді айтады. Оқушылар қалай жазылатынын әріптеп айту арқылы сауатты тақтаға жазылады.
 Мынау – тікұшақ.
 Мынау – терезе.
(Ж) " Тыңда, жаз, тексер "
Оқушылар жұптарда берілген сөйлемдерді бір-біріне оқи отырып, жазғыздырады. Өз жазғандарын түпнұсқамен тексереді.
Мынау- ұшақ.
Мынау - дөңгелек
Мынау – жүк салғыш.
Мынау-қанат.
Сергіту сәті
Бейнематериалдағы қимылдарды қайталап жасау......