Қазақ тілінен сабақ жоспары: Екі дос №1 (3 сынып, I тоқсан, 2 бөлім)

Пән: Қазақ тілі Т2
Ұзақ мерзімді жоспар бөлімі: Жақсыдан үйрен, жаманнан жирен
Сабақ тақырыбы: Екі дос №1
Осы сабақта қол жеткізілетін оқу мақсаттары: 3.2 Мәтіннің мазмұнын түсіну
3.3.2.1 жиі қолданылатын сөздер мен фразалардан құрастырылған шағын мәтіндегі негізгі ойды түсіну.
2.2 Берілген тақырып бойынша ойын жеткізу
3.2.2.1 берілген тірек сөздер негізінде сөйлеу (3-4 сөйлем)
Сабақ мақсаттары:
Оқушылардың барлығы:
Шағын мәтіннің мазмұнын мұғалімнің көмегімен түсінеді, тірек сөздермен қарапайым сөйлемдер айтады.
Оқушылардың көпшілігі:
Оқыған мәтіндегі сөйлемдердің мағынасын ажыратады, тірек сөздерге сүйеніп әңгімелейді.
Оқушылардың кейбірі:
Оқыған мәтіннің негізгі ойын анықтайды, сөйлеу барысында сөздерді дұрыс қолданады, өз пікірін білдіреді.
Сабақ барысы: Ертеңгілік шеңбер: «Жылы жүрек!»
Оқушылар шеңбер құрып, қол ұстасып тұрады. Бір-біріне жақсы қасиеттерін ізгі сөздермен, көтеріңкі көңілмен, күлімдеген көзбен жеткізеді.
Сен нағыз доссың, ең әдемі қызсың, мейірімдісің, өте ұқыпты баласың, адал доссың, қайырымдысың, әдептісің, өнерлісің, еңбекқорсың, ақкөңілсің, т.б.
Оқушылар қысқа бейнефильм көру арқылы жаңа тараудың мазмұнын болжайды.
«Адамның жақсы және жаман қаиеттері»
Сабақтың тақырыбымен, мақсатымен таныстыру
- оқыған мәтіннің негізгі ойын түсінемін;
- тірек сөздерге сүйеніп, сөйлеймін.
(Ұ, МК) Жаңа сөздерді меңгерту: Ақылды, жаман
1. Осы сөздердің мағыналарын синонимдері, антонимдері, суреттері арқылы меңгерту
Жаңа сөздер Мағынасы жақын сөз Мағынасы қарама-қарсы сөз
ақылды есті ақымақ
жаман нашар жақсы
2. Дұрыс айтуға дағдыландыру:
- мұғалім сөздерді мәнерлеп оқиды;
- оқушылар мұғалімнен кейін сөздерді қайталайды, дауыстап оқиды, тізбекпен оқиды;
3. Сөйлемдер құрастыру.
Менің досым ақылды. Ол жаман сөз айтпайды.
5. Жаңа сөздерді сөздік дәптерге жазады.
Оқылым алды тапсырмасы.
(Ұ) «Суреттер сөйлейді». Берілген сюжетті суреттердің ретін анықтайды. Мәтін мазмұнын болжайды.
(Ұ) Оқылым кезіндегі тапсырма.
Мәтінді рөлге бөліп оқиды, таныс емес сөздердің астын сызады.
Бір күні Самат пен Айбар орманда келе жатады. Кенет бiр аюды көреді. Айбар үлкен ағаштың басына шығып кетеді. Саматтың аяғы ауырады. Ол ағашқа шыға алмайды. Жерге жатады. Аю Саматтың жанына келiп иiскелейді, кетіп қалады. Айбар ағаштан түседі, досынан сұрайды:
– Достым, аю құлағыңа не деді?
– Аю құлағыма ақыл айтты. Қиындықта сені досың тастап кетті. Онымен дос болма, – дедi.
Таныс емес сөздерге түсінік беріледі (ауырады, иіскелейді, сұрайды, ақыл айту, қиындық, тастап кету).
Мәтінді толықтай оқып, түсінік алған кезде, «Ақсүйек» ойыны арқылы сұрақтарға жауап береді.
 Неліктен Самат жерге жатты?
 Екі дос қайда серуендеді?
 Неліктен Айбар ағашқа шығады?
 Аю Саматқа не айтты?
 Айбар қандай бала?
 Әңгіме бізді неге үйретеді?
 Достар қандай болу керек?
 Екі дос әңгімесіндегі кейіпкерлерді ата.
 Жағымды кейіпкерді ата.
«Бас бармақ» әдісі.
Оқылымнан кейінгі тапсырма
(Ж) «Мен білемін!»
Берілген кестені мәтін мазмұнына сәйкес толтырып, ауызша ой бөліседі.
Кейіпкер Қандай? Не істейді?
Кері байланыс. «Смайликтер» арқылы кері байланыс жасайды.
- тапсырманы дұрыс орындадым, қате жоқ
- тапсырманы орындауда қателерім болды.
- тапсырманы орындау маған қиын болды.
(Ө) «Аяқталмаған сөйлемдер»
Берілген сөйлемдерді оқып, мәтін мазмұны бойынша аяқтап айтады.
1. Бір күні ...........................
2. ..................................аяғы ауырады.
3. Кенет алдынан ......................................
4. Айбар ...................................................
5. Ал Самат ................................................
6. Аю...................................................................
7. Айбар досынан сұрайды................................
8. Самат ...........................................................
Дескриптор:
- тақырып бойынша сөйлемдер құрастырады;
- берілген тірек сөздерді орынды қолданады;
- сөйлемдегі сөздердің орын тәртібін сақтайды;
- жалғауларды дұрыс байланыстырады;...