Мектепалды дайындық сабақ жоспары: Жапалақтап алғашқы қар жауып тұр

Ұйымдастырылған оқу іс әрекетінің технологиялық картасы
Топ. II екінші кіші топ
Білім беру саласы: Шығармашылық
Бөлімі: Сурет салу
Тақырыбы: Жапалақтап алғашқы қар жауып тұр.
Мақсаты: Балаларға жыл мезгілдерінің өзгеруіне көңіл бөлуге, қоршаған ортадағы – үйлерге, ағаштарға, жерге қардың қалай жаутындығын бақылату. Түстердің үйлесімдігіне назар аударуды үйрету. Таяқшаларды пайдаланып қар салуды үйрету. Табиғаттың тіршілігіне және қоршаған ортаны қорғауға деген жоғарғы адамгершілік сезімдері мен жауапкершілігін дамыту.

Ынталандыру, сезімді ояту
Қуаныш шеңбері:
Қонақ күту салатымыз,
Оқып - біліп жатырмыз,
Келген қонақ сізге,
Сәлем бердік жалпымыз,
Жалқаулықты тастайық,
Сабақта біз бастайық
Білім жолымен жүрейік,
Қиындықтан қашпайық.

Жақсы, балалар!
Енді орнымызға отырайық.
Бүгін біз алғашқы қар жайлы ойымызбен бөлісетін боламыз.
Балалар суретке назар аударайықшы.
- Мына суретте қай жыл мезгілі бейнеленген?
- Қыста қандай өзгерістер болады?
- Мына суретте қандай заттардың үстіне қар жауып қалған?
Өте тамаша балалар!!!
- Қыс мезгілі сендерге ұнай ма?
- Жақсы, қыс мезгілі өте қызықты. Қыста айнала аппақ, тып - тыныш күйге айналады. Біз шанамен ойнаймыз, аққала жасаймыз.
Енді оқу іс әрекетімізге кірісейік.
Бүгін біз бұлттардан жапалақтап келе жатқан қарды қылқаламмен, ал жерде жатқан қарды таяқшамен саламыз.
- Бір - бірімізге бөгет жасамай, ұқыпты орындаймыз.
- Балалар қолдарын шаршап қалды ма?
- Сергіту сәтін орындасақ қайтеді?

Сергіту сәті:
Ауадан қуат алайық,
Алақанға салайық,
Жерден нәр алайық,
Алақанға салайық,
Күннен шуақ алайық,
Алақанға салайық,
Күн шуағын апайларға сыйлайық!
Тәрбиеші: Ракишева Асем Кумарбековна.....