Мектепалды дайындық сабақ жоспары: Зообаққа саяхат

Ұйымдастырылған оқу іс - әрекетінің технологиялық картасы
Білім беру саласы: Қатынас, Әлеуметтік орта
Бөлім: Тіл дамыту
Тақырыбы: Зообаққа саяхат
Мақсаты:
1) Балаларға зообақ жайлы түсінік беру, жабайы аңдар туралы білімдерін тиянақтау.
2) Зообақтағы аңдарды бақылау арқылы балалардың байқағыштық қабілеттерін, ойлау және тілдік қорларын дамыту.
3) Жан - жануарларды қорғауға, қамқор болуға, сүйіспеншілікпен қарауға тәрбиелеу.
Әдіс - тәсілдері: Көрсету, түсіндіру, бақылау, ой қозғау, әңгімелесу, сұрақ - жауап, ойын ойнау.
Қолданылатын көрнекі құралдар: тіл дамыту дәптері, тақырыптық суреттер, дидактикалық материалдар, слайд, бейнетаспа.
Жаңа сөздер: төлдері, қонжық, бөлтірік, көжек, күшік

Мотивациялық қозғаушылық
Балалар бізде бүгін ерекше күн, бізге көп қонақтар келді. Қане, бәріміз қонақтармен амандасып алайық.
Аспан түрді түндігін
Жерге сәуле жайылды.
Неткен ашық күн бүгін,
Қайырлы таң, қайырлы таң!
Сәлеметсіздер ме қонақтар - деп амандасып аламыз.
- Енді шаттық шеңберіне тұрып, бір - бірімізге жылы лебіздерімізді білдірейік.
Армысың, Алтын күн!
Армысың, Көк аспан!
Армысың, Жер ана!
Армысың достарым! .....