Мектепалды дайындық сабақ жоспары: Армысың Әз Наурыз

Мақсаты: Оқушыларға қазақ халқының ұлы мерекесі - Наурыз мейрамы жөнінде түсінік бере отырып, халқымыздың салт - дәстүрін бойларына дарыту арқылы,
шынайылыққа, адамгершілікке ұлтжандылыққа тәрбиелеу.

Тәрбиеші: Құрметті ұстаздар, ата - аналар, оқушылар, дәстүрімізге айналған Ұлыстың Ұлы күні – Наурыз құтты болсын! Күлімдеген шуақты көктеммен бірге қазақ даласына жаңа жыл келді. Әр адам келер жылдан үміт күтіп, оны ақ тілекпен, ақ ниетпен қарсы алады. Ұлы мерекелеріңізбен құттықтай отырып, дендеріңізге саулық, жанұяларыңызға бақыт, еңбектеріңізге табыс тілейміз. ұлы мереке сіздерге бақыт сыйласын!
Қош келіпсің, құрметті ата - аналар!
Жүздеріңнен мейірім мен нұр тамар.
Алдарында жауқазындай құлпырған.
Балғын шақты біз бақытты балалар!

Тәрбиеші:
Әнім де саған, биім де
Құт қонақ өзің үйімде
Қуаныш сыйлап еліме
Күлімде, Наурыз Күлімде
Өнерлі, өршіл өренді
Халық жақсы көреді.
Мың бұралған бишіге
Енді кезек келеді
Би: «Қазақтың қыздары»

Тәрбиеші: Балалар далада жылдың қай мезгілі? Қандай ай?

Наурыз - жылдың әрі көктемнің бірінші айы. Наурызда күн мен түн тенеседі, жаңа жыл келеді. Наурызнама – шат - шадыманды ойын - сауық тойы.
Наурыз айында болатын қандай мерекелерді білеміз?

Хормен: Қош келдің, Наурыз - гүл көктем!

Тәрбиеші:
Наурыз тойын жұп жазбай
Қошеметпен қарсы алып,
Досқа құшақ ашайық
Өлең - жырға басайық
Қазақтың бір салты деп
Тойға шашу шашайық!- дей келе ортаға Жиеналина Армангүлді «Наурыз - біздің жаңа жыл»әнімен шақырамыз.
Ақгүл:
Наурыз - көктем мерекесі.
Наурыз – жыл басы.
Наурыз жаңа серпін, жаңа леп.

Гүлнұр: Наурыз - қуаныш мерекесі
Бақыт пен шаттықтың мерекесі.
Абылай: Наурыз - шаруаның мерекесі
Наурыз еңбектің мерекесі. .....