Мектепалды дайындық сабақ жоспары: Ертегі еліне саяхат

Мақсаты:
- оқушыларға бағыт - бағдар бере отырып, өздіктерінен жұмыс істету, ой - өрістерін дамыта отырып өздіктерінен қорытынды шығаруға машықтандыру;
- ертегі арқылы оқушылардың өмірге деген көзқарасын қалыптастыру, жақсылық пен жамандықты айыра білуге үйрету, баулу;
- Бір - бірлерімізбен тату болу, ұжымшыл болу;

1. Ұйымдастыру кезеңі
Мұғалім: Балалар, ертегі - сөзін естігенде қандай ой келеді, көз алдарына не елестетесіңдер? Қандай ертегілер білесіңдер?
(балалар пікірін тыңдау).

2. Жаңа сабақ
Мұғалім: Бүгінгі сабағымыз ерекше өтеді, біз «Ертегі еліне саяхатқа» шығамыз.
Ертегі - халқымыздың ертеден бері келе жатқан мәдени мұраларының бірі, ауыз әдебиеті. Ертегіні мазмұнына қарай, әр алуан ерекшеліктеріне қарай бірнеше түрге бөлуге болады.
- жануарлар жайында (суреті, немесе кітабын көрсету)
- қиял - ғажайып ертегілер
- шыншыл ертегілер
Ертегіден халқымыздың тұрмыс - салтын, әдеп - ғұрпын білеміз. Онда шындық оқиға мен қиял - ғажайып оқиға аралас келіп отырады.
Кел, тыңдайық ертегі,
Естіген жанды елтеді.
Талай ғажап оқиға,
Қызық сырын шертеді.
«Бауырсақ» ертегісінің сахналық қойылымы:
Ерте, ерте, ертеде.... бір ата мен әже болыпты
Атасы: - кемпір - ау, маған бауырсақ пісіріп берсеңші.
Әжесі:- неден пісірейін ұн жоқ қой.
Атасы:- қаптың түбін қақ, бауырсақтық ұн табылып қалар.
Әжесі солай істейді: қаптың түбін қағып, қалған ұннан бауырсақ пісіреді де, суытып терезе алдына қояды.( іс - әрекеттерін көрсетеді) Бауырсақ домалап кетеді...
Орман ішіне домалап келіп, қоян ананың көжегін үйретіп жатқанын естиді:
Қоянның көжегі:
Мен ақ қоян, ақ қоян,
Қорқақ қоян, сақ қоян.
Қасқырлардан қорқамын.
Орманға мен зытамын.

Қоян:
Сұр көжегім, көжегім,
Еркелігін сеземін.
Сабаққа мойын бұратын
Сенің де келді кезегің.
Көжегі бауырсақты көріп қорқып, қашып кетеді.
Қоян: - бауырсақ, бауырсақ мен сені жеп қоямын.
Бауырсақ: - жоқ, сен мені жеме, саған өлең айтып беремін, соны тыңда.
Атадан да қаштым,
Ападан да қаштым,
Қоян сенен де қашып кетемін.
Қоян: - қой, бауырсақ сенің өлеңің жақсы сен одан да менің тапсырмамды орында.
Бауырсақ: енді не істеймін, балалар, сендер маған көмек көрсетіңдерші.
Мұғалім: орындаймыз ба қоянның тапсырмасын?

Қоянның тапсырмасы:
1. Қазақстан Республикасының президентінің аты – жөні кім?
2. Қазақстан Республикасының астанасы қай қала?
3. Біз қай қалада тұрамыз?
Бауырсақ:- рақмет, балалар, сендердің көп көмектерің тиді.
Қоян: Сендер өте ақылды оқушылар екенсіңдер, олай болса мен өз жөніммен кетейін.
Бауырсақ домалап қояннан қашып, ағаш түбінде жатқан қасқырға кездеседі.

Қасқыр:
Түсім сұрқай, тым суық,
Орманда жүремін аң қуып.
Қасқыр:- бауырсақ, бауырсақ мен сені жеймін.
Бауырсақ: - жемеші, мен саған өлең айтып беремін.
Қасқыр: - жоқ, бауырсақ, өлеңің керек жоқ сен менің тапсырмамды орында.
Қасқырдың тапсырмасы:
1. Жыл мезгілдерін ата?
2. Бір аптада неше күн бар?
3. Оларды ата?
Бауырсақ:- рақмет, балалар, қасқырдан да құтқардыңдар.
Қасқыр: Сендер менің тапсырмамды орындадыңдар, онда мен ары қарай жол жүрейін.
Шөп үстінде құлпынай жеп жатқан аюға кездеседі.
Аю: - бауырсақ, бауырсақ мен сені жеймін.

Бауырсақ: - жемеші мені, мен саған қандай өлең айтып беремін
- ападан да қаштым, атадан да қаштым,
сенен де аю қашып кетемін.
Аю: Әй, балалар, балалар!
Менде қызық ойын бар,
Ал ықылас қойындар
Кәне, тәртіп сақтайық,
Мен берген тапсырманы,
Бұлжытпай орындайық......