Мектепалды дайындық сабақ жоспары: Жануарлар туралы жалпы ұғым

Мақсаты: Балалардың үй жануарлары мен жабайы аңдар туралы түсініктерін тереңдету. Олардың түрлерін бір – бірінен ажыратуға, әңгімені мұқият, зейін қойып тыңдауға үйрету. Үй жануарларының бізге тигізер пайдасын айту және оларды күтіп баптауға, қорғап қамқорлық жасауға тәрбиелеу. Үй жануарларына байланысты тақпақ, мақал – мәтелдерді қайталай отырып, сұрақ – жауап арқылы тіл байлығын дамыту. Жабайы жануарлардың кейбір ерекшеліктерін салыстыру; мекені, қоректенуі туралы түсінік беру, неліктен жабайы деп аталатынын түсіндіру. Аңдардың мінез құлқын бейнелейтін әңгіме арқылы балаларды анық сөйлеуге үйрету.
Әдіс тәсіл: Түсіндіру, әңгімелеу, ойын, сұрақ – жауап, сахналау.
Көрнекілік: Үй және жабайы жануарлардың суреті, үйдің макеті, жануарлар киімі.

Сабақтың барысы:
Балалар, қазір жылдың қай мезгілі? Қыс мезгілінде неше ай болады? Ай аттарын атайықшы? Қыста не жауады? Қардан не жасап ойнаймыз?
Жарайсыңдар балалар, біздің бүгінгі танысатын жаңа тақырыбымыздың аты «Жануарлар туралы жалпы ұғым» деген. Балалар, жануарларды білесіңдер ма? Олардың қандай түрлерін білесіңдер?
Балалардың жауаптары.
Балалар жануарлар екіге бөлінеді; үй жануарлары және жабайы жануарлар болып. Үй жануарларына қандай жануарлар жатады?
Сиыр, қой, жылқы, түйе, ешкі, т. б.
Дұрыс айтасыңдар, енді мына тақтадағы суретке қараймыз. Мынау ненің суреті? Сиырдың.
- Дұрыс айтасыңдар, сиырдың адамдарға пайдасы бар ма?
- Бар.
- Қандай пайдасы бар?
- Сүтін ішеміз, етін жейміз.
- Сүтінен не жасалады?
- Айран, құрт, ірімшік жасалады
- Дұрыс айтасыңдар, сиыр қандай дыбыс шығарады?
- Мө, мө, мө деп мөңірейді.
- Сиырдың баласы қалай аталады?
- Бұзау
- Бұзау туралы кім тақпақ айтады?
- Әукім, әукім, әукешім
Қасиыншы әукесін
Енең әне келеді
Ақ мамасын береді
Жарайсыңдар, ал мынау ненің суреті?
- Қойдың.
- Қойдың адамға пайдасы бар ма?
- Етін жеп, сүтін ішеміз, жүнінен неше түрлі киімдер тоқуға болады. Мысалы; шұлық, қолғап, шарф, жемпір т. б.
- Қой қандай дыбыс шығарады?
- Мә, мә, мә
- Қойдың баласы қалай аталады?
- Қозы деп аталады.
- Қозы туралы кім тақпақ айтады?
- Өзгеше өңде, тау қырат
Сылқ – сылқ күлген бал – бұлақ
Жаңа туған ақ қозым
Көзін ашты маужырап
Ал мынау ненің суреті?
- Түйенің
- Түйені көргендерің бар ма? Кімнің үйінде түйе бар?
Балалардың жауаптары.
Түйенің қандай пайдасы бар? Білесіңдер ма?
Етін жеп, сүтін ішеміз. Ал жүнінен көрпе жасалады. Түйенің жүнінен жасалған көрпе өте жеңіл әрі жеңіл болады.
- Түйенің сүті қалай аталады?
- Шұбат
- Балалар, шұбат адам денсаулығына өте пайдалы.
- Түйе қандай дыбыс шығарады?
- Бәә, бәә, бәә.
- Түйенің баласы қалай аталады?
- Бота
- Бота туралы кім тақпақ айтады?
Қара көзің мөлдіреп
Қызықтырмай қоймайды
Жібек жүнің үлбіреп
Қарасам көз тоймайды.....