Мектепалды дайындық сабақ жоспары: Сауат ашу

Қорытынды оқу іс - әрекеті.
Мақсаты: Балалардың жыл бойғы алған білімдерін тиянақтау. Дидактикалық ойындар барысында есте сақтау, көру, ой - қиялын, сезіну қабылдау жүйелі сөйлеу мәдениетіне тәрбиелеу. Тілдің грамматикалық құрылымын қалыптастыра отырып, алған білімдерін тиянақтау.
Әдісі: Дидактикалық ойындар «Кім тапқыр», «Кім тапқыр», «Кім білгіш», «Жоғалған әріптер», «Буынға буын қос», сергіту сәті, әліппе әні, көрсету, түсіндіру, сұрақ - жауап.
Көрнекілігі: Слайд, ребус, карточкалар.
Түрі: Сайыс сабақ.

Әрекет кезеңдері
Тәрбиешінің іс - әрекеті:
Мотивациялық қозғаушы
Сәлеметсіңдер ме, балалар! Бүгін біздің оқу іс - әрекетімізге қонақтар келді. Бүгін қандай керемет күн! Бұл күнді жақсы, қуанышты көңіл күймен өткізу үшін сендерді «Шаттық шеңберіне» шақырамын.

Қайырлы күн достым,
Қайырлы күн болсын
Бүгінгі күн бізге
Сәттілікке толсын
Біздің алар бағамыз.
Кілең бестік босын.
Балабақшаға сегізде келеміз.
Ешқашанда қалмаймыз дегенбіз.
Сауат ашуды 5 - ке оқып
Білімді бала боламыз дегенбіз.

Ізденуші
ұйымдастырушы;

1. Балалар бүгінгі біздің ашық оқу іс - әрекетіміз ерекше болмақ. Күндегі оқу іс - әрекетімізден ерекшелігі сіздер бүгін сайысқа түсесіздер. Ол үшін екі топқа бөлініп отырмыз.
І топ: «Алғырлар»
ІІ топ: «Тапқырлар»
Енді топтарымыз аты және ұранымен таныстырып өтсін.

2. Олай болса бүгінгі сайысымыздың жеңімпазын анықтау үшін берілген тапсымаларға дұрыс жауап берген топқа ұпайлар беріліп отырады.
Өте жақсы жауап берсе - қызыл дөңгелек.
Жақсы жауап берсе - Көк төртбұрыш.
Орташа жауап берсе - сары үшбұрыш.

3. Ғажайып сәт. Білім ханшайым кіреді. Қолында көптеген тапсырмалары бар.
Ханшайымның бірінші тапсырмасы шарларды жару арқылы ішінен шыққан сұраққа жауап береді.
І - бөлім. «Кім тапқыр»
Сұрақ - жауап бөлімі. Шарды жару арқылы ішінен сұрақтар шығады.
1) Жыл мезгілдерін білеміз бе? Қандай?
2) Бір жылда неше ай бар?
3) Қазір жылдың қай мезгілі?
4) Көктем мезгілінің айларын білеміз бе?
5) Бір аптада неше күн бар?
Бүгін аптаның қай күні?
6) Қазақ альфавитінде қанша әріп бар?
7) Дыбыстар нешеге бөлінеді? Қандай - қандай?
8) Дыбыстарды не істейміз?
9) Әріптерді ше?
10) Әріптерден не құраймыз?
11) Буындардан не құраймыз?
12) Сөзден не құраймыз?

ІІ бөлім. «Кім білгіш ойыны?»
Тақтадан әріптер көрсетіледі, балалар текшені көтеру арқылы дауысты немесе дауыссыз дыбыс екенін ажыратады.
- Дауысты дыбыстарға қызыл текше.
- Дауыссыз дыбыстарға көк текше көтеру арқылы ажыратады.

ІІІ бөлім. «Жоғалған әріптер»
І топқа:
ЖА... ҒАҚ
Л Р С М Ң
ІІ топқа:
СА... АТ
Ш Ғ Р С Т
Шыққан сөздерді буынға бөліп айтады.
2. Сергіту сәті.
Әріптерге байланысты (музыка әуенімен) барлығы ортада шеңбер болып ән айтады.
3. Кубизм әдісі арқылы балаларды ортаға жинап, кубикті лақтыру арқылы кез келген әріпті айтамын, балалар сол әріптен басталатын сөз айтып кері лақтырады.

ІV бөлім. Жеке баламен жұмыс.
Әрбір балаға карточка таратылады, балалар берілген суретке байланысты әріпті байланыстырып сызады.

V бөлім. «Буынға буын қос» ойыны.
Суреттерде берілген буындарды қосып сөзді оқиды.

VІ - бөлім. Кім көп біледі» ойыны.
Буын ұйқас: Әр топтан 5 баладан шығып буын ұйқас айтады.
І топ.
Ақ - ақ - ақ
Сарғайды күзгі жапырақ.

Са - са - са
Ызыңдайды маса.

Із - із - із
Бақшадағы сәбіз.

Ет - ет - ет
Алма, алмұрт салынатын себет.

Ой - ой - ой
Қорада тұр қой.

Ай - ай - ай
Ұшып кетті торғай.

ІІ топ.
Ай - ай - ай
Жайылып жүр тай.

Ға - ға - ға
Ұшып кетті қарға.

Кер - кер - кер
Тоқтар аға ғарышкер.

Ыз - ыз - ыз
Айгүл жақсы қыз.

Ме - ме - ме
Келе жатыр кеме.

VІ бөлім. Ребустарды шешу.

VІІ бөлім. Жаңа сөзді тап.
І топ
АД А Л
Адал, дала сөзіне мәнін түсіндіріп өту.
СЫРҒА
ІІ топ Осы «Сырға, Ғасыр» сөздеріне түсінік беріп кету.

VІІІ бөлім. Қай әріпке ұқсайды:
Шарты: Балалар қимылмен көрсету арқылы әріптерді табады.

ІX бөлім. «Кім шапшаң, кім тапқыр»
Кеспе әріптерден сөз құрау. Сөзге сөйлем ойлап, схема түрінде көрсету.

X бөлім. Сөздерді оқу.
XІ бөлім. Мәтін оқу. .....