Балабақша сабақ жоспары: Қасқыр мен жеті лақ

Тақырыбы: «Қасқыр мен жеті лақ» ертегісі
Мақсаты: Мазмұнын таныстыру, мәнерлеп оқып беру, сұрақ- жауап арқылы хайуанаттар мінезі, дауыс ырғағы өздеріне тән қасиеттері туралы әңгімелесу. Балалардың сөйлеу, есте сақтау, тілдік қорын дамыту. Балаларға кейіпкерлердің рөлін ойнауды үйрету, сөздерін жаттау.
Технология: «Тәй-тәй» технологиясы
Қажетті құралдар:Үйдің макеті, лақтар мен қасқырдың бейнелері, бояғыш заттар, құрылыс ойыншығы, магнит тақтасы, бояу, ақ қағаз, қылқаламдар, суқұйғыштар, гуашь құйылған табақшалар, салфеткалар.
Сабақ барысы:
I.Ұйымдастыру кезеңі:
– Балалар, қанеки, саусақ ойынын жүргізейік!
Саусақтарды ашып, жұмайық,
Ертегілерді атап, шығайық!
«Бауырсақ», «Үйшікей», «Шалқан»,
Шаруа-ата өсіріп алған.
«Қасқыр мен жеті лақтар» –
Ең сүйікті қонақтар!
Тәрбиеші:-Балалар, бүгін сендермен әдемі ертегімен танысамыз дегенде, залға тарсылдатып жалмауыз кемпір кіреді.
Жалмауыз кемпір:
- Балалар, сендер осындасыңдар ма? Мен сендерді алып кетуге келдім, қане, бері келіңдер.
Тәрбиеші: Жалмауыз кемпір асықпа,деміңді ал отыр. Бізге бүгін қонақ бол, біздің ертегімізді тамашала,балаларымыздың өнерін көр.
Жалмауыз кемпір:
Көрсем көрейін, егер де ұнамаса онда мына балалардың біреуін алып кетем.
Тәрбиеші:Ертегінің жалпы мазмұнын магнит тақтасы арқылы дауыс ырғағымен түсіндірді. Ертегінің кейіпкерлері туралы балалардан сұрақ-жауап алынды. Ертегіні толықтай түсіну үшін белсенді орталықтары арқылы бөліп ойнатылды.
Сергіту сәті:
Биік болып өсеміз
Жапырақтай жайқалып
Табиғатты сүйеміз
Денемізді тік ұстап
Билеп-билеп аламыз.
Жалмауыз кемпір:-Балалар, маған ертегі қатты ұнады, мен сендермен дос болайыншы? Енді сендерге тиіспеймін, мені де ертегі әлеміне қосындаршы.
Тәрбиеші:-Балалар қосамыз ба? Жақсы қоссақ, онда сен біздің айтқанымызды істейсің. Балалар, менің қолымдағы гүлдерді алып орталықтарға бөлінеміз
Бейнелеу орталығында: 4 бала қасқырдың бейнесі сызылған суретті бояу арқылы айқындап бояйды.
Құрылыс орталығында: 4 бала лақтарға үй жасап құрастырады.
Әдебиет орталығында: Қалған балалар жалмауыз кемпірмен бірге ертегіні қызыға сахналайды.
Балалар орталықтармен ауыса отырып ертегіні толықтай ашып, кейіпкерлердің жағымды және жағымсыз екенін өздері түсіндіреді.
Жалмауыз кемпір:-Балалар, мен кетуім керек, барар жерлерім бар енді тағы келуге бола ма? Маған ертегі қатты ұнады, енді мен де өзгерем жаман болмаймын. Сау болыңдар, балалар.
Тәрбиеші: Балалар қоштасамыз.
Сабақты қорытындылау
– Біз бүгін қандай ертегіні? – «Қасқыр мен жеті лақ»
– Сендерге жаңа ертегі ұнады ма?
– Балалардың бүгінгі еңбектерін бағалап, мадақтау......