Балабақша сабақ жоспары: Ойыншықтар қонақта

Білімділік: Балаларға жыл мезгілдері туралы түсінік беру. Ойыншықтарды сипаттауға үйрету. Қандай? сұрағына жауап беруге және жалғау, жұрнақтарды сөздерге дұрыс жалғап айтуға үйрету.
Дамытушылық: Балалардың тілдерін дамыту.
Тәрбиелік: Балаларды ойыншықтарды ұқыпты ұстауға тәрбиелеу.
Көрнекілігі: үй макеті, қыс туралы суреттер, әр түрлі жануарлар, доптар, үлестірмелі материалдар.
Сөздік жұмыс: ойыншық
Қостілділік: доп – мяч, қоян – заяц.
Балалар топқа кіреді, қонақтармен амандасады.
Ұл – қыз сәлем береді,
Өнегелі өренбіз.
Білер қазақ баласы,
Сәлем сөздің анасы.
Сәлеметсіздер ме қонақтар?
Таңғы шеңбер.
Бала, бала, балапан,
Кәне қайсы алақан?
Саусақтарың айбат,
Былай, былай ойнат.
Топ – топ басайық,
Жалаудан күн жасайық,
Жаса, жаса, алтын күн
Жаса, жаса жарқын күн.
Балалар отырады.
Тәрбиеші: Балалар, қанша жыл мезгілі бар?
- Қыс, Жаз, Күз, Көктем.
Дұрыс айтасыңдар балалар.
Қыста ауа – райы қандай болады, қандай өзгерістер болады?
Қыста қар жауады, боран болады, күн суық болады.
Жазда ше балалар?
- Күн ыстық болады, өзенге шомыламыз.
Дұрыс балалар олай болса, күзде ауа – райы қандай болады деп ойлайсындар?
Кәне, күзгі өзгерістерге байланысты тақпақ айтып берейікші:
Жел соқты гу – гу,
Жаңбыр жауды тарс – тарс.
Жаңбыр басылды,
Күн ашылды.
Жаңбыр жауады, жел соғады.
Иә, дұрыс айтасыңдар.
Ал енді балалар қазір қай мезгіл деп ойлайсыңдар?
Көктем.
Дұрыс айтасыңдар балалар.
Олай болса көктемде қандай өзгерістер болады, ауа – райы қандай болады?
Балалар:
Күн жылиды, қар ериді, құстар жылы жақтан келеді.
Жақсы.
Есік қағылып топқа қасқыр келеді.
Қасқыр: - Сәлеметсіңдер ме балалар?
Мен орманда келе жатып, орманның арасынан мына заттарды тауып алдым.
Мен бұлар не зат екенін білмеймін, мүмкін сіздер білесіздер ме?
Тәрбиеші: Ия, қасқыр біздің балалар бұл заттардың не екенін айтып береді.
Сіз мына жерге отырып тыңдаңыз.
- Кәне балалар мынау не?
- Қоян
- Қоянның құлағы қандай?
- Ұзын.
- Қоян қалай секіреді?
Тәрбиеші: Қасқыр олай болса, қазір балалар сізге қоян туралы өлең айтып, би билеп береді.(Сұр қоян әні)
- Қасқыр жарайды, айта қойыңдар балалар.
- Ой рахмет балалар өте жақсы.
- Ал, мынау не?
- Аю.
- Балалар аю қалай жүреді?
- Балалар аю туралы тақпақ білеміз бе?
- Кәне, айтып берейікші қасқырға.
Аю отыр партада,
Екі қолы қалтада
Апай сабақ сұраса,
Ұйықтап қалыпты масқара....
- Қасқыр балалар қандай жақсы бәрің білімді, тәртіпті көп өлең, көп тақпақ біледі екенсіңдер, жарайсыңдар.
- Балалар аю, қоян жабайы аңдарға жатады.
- Жабайы аңдар қайда мекендейді?
- Орманда
- Дұрыс
- Ал мынау не?
- Доп
- Доппен не істейміз?
- Ойнаймыз
- Доптың түсі қандай?
- Жасыл
- Балалар мына доптың көлемі қандай?
- Кішкентай
- Доптың түсі қандай?
- Қызыл
- Жасыл доп үлкен бе, әлде қызыл доп үлкен бе?
- Жасыл доп үлкен.
- Дұрыс
Сергіту сәті:
Ормандағы аюдың
Құлпынайы көп екен.
Теріп, теріп алайық,
Қалтамызға салайық.
Қасқыр орынынан тұрып:
- Ой, мынау қандай әдемі үй. Маған да осындай үй керек еді.
Тәрбиеші: Қасқыр біздің балалар сізге үй жасап береді, балалар қасқырға үй жасап береміз бе?.....