Баяндама: Заманауи технологияларды сабақта пайдалану жолдары

Қазақстан Республикасының Президенті Нұрсұлтан Назарбаевтың «Жаңа әлемдегі жаңа Қазақстан» атты Қазақстан халқына Жолдауында «Осы заманғы білім беру мен кәсіптік қайта даярлау, «парасатты экономиканың» негіздерін қалыптастыру, жаңа технологияларды, идеялар мен көзқарастарды пайдалану, инновациялық экономиканы дамыту. Білім беру реформасы табысының басты өлшемі – тиісті білім мен білік алған еліміздің кез келген азаматы әлемнің кез келген елінде қажетке жарайтын маман болатындай деңгейіне көтерілу болып табылады» делінген. Сонымен қатар, бүкіл еліміз бойынша әлемдік стандарттар деңгейінде сапалы білім беру қызметін көрсетуге қол жеткізу қажеттігін баса айтты.
Сондықтан, елімізді дамытудың қазіргі әлеуметтік-экономикалық, саяси жағдайлары және жоғары дамыған елдердің тәжірибесі білім берудің мазмұнын, әдістерін жаңарту және жетілдіру қажеттілігін тудырады.
Білім беру сапасы – қоғамдағы білім беру үрдісінің жағдайын нәтижесін сондай-ақ жеке тұлғаның кәсіптілігінің қалыптасуын және даму болашағының қажеттілігін анықтайтын әлеуметтік категория. Білім беру сапасы білім беру мекемелеріндегі жастарды оқыту мен тәрбиелеу қызметтерінің әртүрлі көрсеткіштерінің жиынтығын, яғни білім беру мазмұнын, оқу формасы мен әдістерін, материалдық техникалық базалары тағыда басқалары бойынша анықталады.
Сол себепті орта мектептің алдында тұрған негізгі міндеттерінің бірі – оқушылардың шығармашылық қабілетін барынша ашып, қоғамды құрып дамытуға бар мүмкіндігін жұмсайтын қабілетті жеке тұлғаны қалыптастыру. Әрбір оқушының тұлға ретінде қалыптасып дамуына математикалық білімнің үлкен үлесі зор.
Себебі, математика басқа ғылымдар саласының дамуының тірегі, қызметшісі, қоршаған ортаны білудің басты көзі. Дегенмен қазіргі уақытта оқушылардың математика пәніне деген қызығушылығы төмендеп барады. Оқушылар қызығушылығының төмендеу себебін пәннің қиындылығымен түсіндіреді. Алайда осы мәселенің шешімін табатын біз – ұстазбыз. Мұғалім сабаққа дайындық барысында «Қалай? Неге? Не үшін?» деп жиі қойылатын сұрақтарға жауап бере алатын педагогикалық технологияларды тиімді пайдалана білу керек.
Осындай педагогикалық технологиялар өте көп, бірақ ең бастысы қолайлысын таңдап, жұмыс барысында тиімді, дұрыс қолдану.
Ал енді білім беру үрдісінде қолданыс тапқан заманауи технологияларға тоқталайық:
1. Ұжымдық оқыту технологиясы;
2. Ынтымақтастық педагогикасы технологиясы;
3. Білім беруді ізгілендіру технологиясы;
4. Дидактикалық бірліктерді ірілендіру технологиясы;
5. Саралап оқыту технологиясы;
6. АКТ технологиясы;
7. Деңгейлеп саралап оқыту технологиясы т.б.
Деңгейлеп саралап оқыту технологиясы:
Мақсаты: Әр оқушыны оның қабілеті мен мүмкіндік деңгейңне қарай оқыту. Оқытуды оқушының әртүрлі топтарының ерекшелігіне сәйкес бейімдеу, ыңғайлау.
Ерекшелігі:
 Таланттылар өздерінің қабілеттілігі мен икемділігін одан әрі бекіте түседі, әлсіздер оқуға ниет білдіріп, сенімсіздіктен арылады;
 Оқушылардың оқуға деген ынтасы артады;
 Білім дәрежесі бірдей топтарты оқыту ісі жеңілдейді.
Өз тәжірибемнен сабақ жоспарының үлгісі:
Сабақтың тақырыбы: « Квадрат теңдеуге келтірілетін теңдеулерді шешу»
Сабақтың мақсаты:
1. Білімділік: Квадрат теңдеудің түбірлерін табу формулаларын есептер шығаруда қолдана білу, тақырып бойынша алған білімдерін тереңдетіп жинақтау, жүйелеу. Квадрат теңдеуге келтірілетін теңдеулердің түбірлерін табудың әр түрлі тәсілдерін тиімді қолдана білу.
2. Дамытушылық: Логикалық ойлау қабілеті мен дағдыларын жетілдіру, белсенділігін арттыру, тез шешім қабылдап, өз білімін көрсете алу қасиеттерін ашуға үйрету
3. Тәрбиелік: Оқушыларды өз бетінше еңбектенуге, ізденуге, шығармашылықпен шұғылдануға баулу
Сабақтың әдісі: Деңгейлеп –саралап оқыту
Сабақтың түрі: Қайталау – толықтыру, біліктілік пен дағдыны игеру сабағы
Сабақтың типі: Жүйелеу сабағы
Сабақтың көрнекілігі: Интерактивті тақта, слайдтар, карточкалар, формулалар, кестелер, тест бағалау парағы
Сабақтың құрылымы: Сабақ төрт деңгейлік құрылымнан тұрады:
1. Оқушылық деңгей (ауызша, логикалық сұрақтар)
2. Алгоритмдік деңгей (математикалық лото ойыны)
3. Эвристикалық деңгей (деңгейлік тапсырмалар)
4. Шығармашылық деңгей (ҰБТ жинағынан есептер)
5. Қорытынды (тест)
6. Бағалау
7. Үйге тапсырма
Ұйымдастыру: Оқушылардың сабаққа қатысымын дайындығын, үй тапсырмасын сұрау
Үйге берілген тапсырма. «Квадрат теңдеулер» тарауын қайталау, «ҰБТ есептер жинағынан» квадрат теңдеулерді шешуге есептер іздеп,шығару
Оқушылар 2 топқа бөлініп отырады
1 топ: Виет тобы
2 топ: Әль-Хорезми тобы
Топ жетекшілері өз топтарын бағалау парағында бағалап отырады.

«Ақыл-ойды тәртіпке келтіретін математика, сондықтан оны оқу керек"
М.В.Ломоносов
I. Оқушылық деңгей: (ауызша логикалық сұрақтар)
«Еске түсірейік»
1. Мына теңдеулер қалай аталады?
а) 02cbxax
ә) 02bxax
б) 02cax
в) 02ax
г) 02qpxx
д) 024cbxax