Тақпақтар

О, алақай қыс келді,
Бізге қуаныш әкелді.
Дала қарға оранды,
Бала біткен қуанды.....

Кун шуағын шашады,
Жауын да жауып алады.
Көктем келіп жеткенде,
Ағаштар бүршік жарады.

Аялап өсірген,
Әлпештеген мұғалім.
Әріптерді жаздырып,
Оқу,білім үйреткен
Рахмет, Сізге мұғалім.

Мұнайлы өлкем- Атырау,
Туған жерім асыл –ау.
Менің саған құрметім,
Бас иемін қабыл ал.

Өзіңді сүйіп өтермін,
Жырыңды жырлап кетемін.
Менің өлкем - Атырау деп,
Мақтанышпен сөйлермін.

Күшігім менің ақтабан,
Бекер қарап жатпаған.
Сиыр кірсе аулаға,
Аулаққа қуып тастаған.

Аққала мен ақ бала,
Сырғанайды сырғанақта.
Жаздым тақпақ бәріне,
Ақ қыс сұлу ақ өлең.
Ақ бала жасады аққала.
Ақ қар жатыр далада.

Жоғалтып бар інжуін бабалардың

Енді қашан белгісіз таба аларым

Әке сенің жолыңнан адасыппын

Кешіре гөр қызыңды, қара нарым.....

Қоңызға міндім,
Қоянмен жүрдім.
Гүлдерге қондым,
Бақытты болдым.

Ұстаз деген кім ол десең,
Ұстаз жайлы тым аз білсең,
Мен берейін бұған жауап,
Сөзіме егер, құлақ түрсең!
Ұстаз – дана, ұстаз дара
Ұстаз деген бір тұлға.
Ұстазыңды ұлы әкеңдей сен сыйла!
Ұстаз деген екінші анаң ізетті,
Аямайық ұстаздарға құрметті!!!...

Сезініп өлең-жырдың ғаламатын,
Ұмытылмас ешқашан ұлы ақын.
Халқының данышпаны ұлы Абай
Жырымен таңғалдырған жамағатын.

Ғажайып сырға толы өлеңдерің,
Тебіренеді толқындай жан жүрегім.
Бүгінгі ұрпақ сусындап жырларыңнан
Жалындап шабыт алып шарықтаған.