Шығарма: Егерде мен президент болсам

Президент болу дейсізбе? Алаштың ер азаматтары тұрғанда қыз басыммен не айтарымды да білмей тұрмын, дегенмен де өз пікірімді қосайын. Президент болу әрине оңай емес, ол үшін адамның бойында үлкен тіпті дара ойлар мен мақсаттар, табандылық пен шыдамдылық, сарқылмас білім керек. Қиялға біраз еріп көрейін: Мен егер президент болсам ең бірінші жастардың дұрыс қалыптасуына ықпал етер едім, өйткені елдің болашағы жастар. Сапалы да саналы жас жеткіншектерден үлкен тұлға қалыптастыруға көп көңіл берер ем. Неге? Өйткені біз тек қана бүгін бармыз, ал жастар келер ұрпақ, олар біздің ізімізді жалғастырушылар. Ата бабамыздан қалған үлкен асыл байлығымыз. Тәуелсіздігімізді сақтау үшін бізге мықты, саналы, сауатты адамдар керек. Ал қазіргі кезде білім алу өте қиын. Сол үшін осыған көбірек көңіл бөлер едім. Қазақстан биологиялық жағдайы өте жақсы мемлекет. Атап айтқанда, мұнай мен газдан және басқа да кен орындарына толы. Мемлекет өзін-өзі керекті тағам, киім, мүлік, дәрі-дәрмектермен қамтамасыз етуде. Қазақстанның экономикалық жағдайы жақсарып, шет елдерді керек қылмайтын болды. Қазіргі таңда бүкіл Қазақстан әсем табиғатын қоқыстар құртуда. Мен үлкен қоқыс жаңартып, қайта шығаратын зауыт және фабрикалар ашар едім.
Келесі қозғайтын мәселе, бұл Қазақстанның білім берү саласы және медицина. Қазіргі жастар технология жағынан өте қарқынды дамып келеді. Сол себепті олардың оқуға қызығушылығы азайды. Мен білім беру саласына жаңа бағдарлама құрастырып және оны жаңа технологиямен байланыстырар едім. Осылайша қазақ жастарының оқуға деген ынтасын арттырар едім. Ал медицинаға келетін болсақ онда ең алдымен жедел жәрдем көліктерін көбейтіп және тегін медициналық көмектер жағына көп назар аударар едім.
Тағы бір ойланатын мәселе ол еліміздің және халықтың тұрмыстық жағдайы. Халықтың алатын жалақыларын және қарттар алатын зейнетақыларын көтерер едім. Қалалардағы үйлерге қысы-жазы ыстық су бергізіп және жылуды ерте қосып кеш өшіріткізер едім. Ауылды аумақтарды толығымен жарықпен және байланыспен қамтамасыз етер едім. Қысқасы елбасымыздың қалдырған ізін жалғастырушы едім. Еліміздің ертеңі жарқын болсын!...
Менің Отаным - Қазақстан. Неткен шуақты ұғым! Бұл керемет сөздер менің жанына жақын, жүрегіме ыстық. Адамның жақсы, бақытты өмір сүруі Отанға деген сүйіспеншілігіне байланысты. Мен болашақта өркендеп, гүлденіп келе жатқан елімнің дамуына өз үлесімді қосамын.