Шығарма: Менің Отаным - менің мақтанышым

Уа, туған жер, неткен байтақ, ұлы едің,
Дүние есігін өзіңмен ашып, өзіңде өсіп келемін...
Қазақстан дегенде көз алдыма шалқыған жайлау, жазық дала елестеп, бақтағы бұлбұлдың үні мен аққудың қикулаған даусы құлағыма келеді......
Отан... Бұл сөз әр адамның жанына жақын , жүрегіне жылы тиер сөз. Кімге де болсын қымбат ұғым. Қазақ жері жүрегі қазақ деп соққан әр азамат үшін қастерлі. Ұлы мекенімізді бабаларымыз білегінің күшімен, найзасының ұшымен қорғады . Ғасырлар бойы ұрпағына мұра болған жер. Отанымның даласы Алтайдан Атырауға дейін созылып жатыр, оның жусан иісі аңқыған ерке желі бетімді өбеп, мені еркелете түседі. Сондықтан туған елімнің тауы мен тасы, суы, бәрі -бірі де ыстық. «Әркімнің туған жері-жерұйық» дегендей, қайсібір жан үшін өз Отаны қашанда ыстық көрінеді. Осыны көз алдына елестеткенде адам бойында патриоттық сана сезім қалыптаса бастайды. Өз Отанының патриоты дегеніміз - Отанын, халқын, жері мен суын шынайы сүйетін, халық үшін бар күш-жігерін, қаблетін аямайтын адам. Халқын шексіз сүюшілік, баршаға күш-жігерін Отанға ғана арналған адамға тән терең сезім. Отан отбасынан басталады. Ол ата-ана, ата-әже, жақын-жуықтан құралады. Патриот болып өскен бала есейгенде еліне қызмет етеді. Ол үшін бірінші кезекте адал болу керек . Адам баласына да, жан-жануарларға да, қоршаған ортаға да қамқорлықпен қарайды.
Қазақ халқы бүкіл өзінің тарихында әділеттілік үшін, азаттық үшін күресіп келеді.Бүгінде - бейбіт заманда Тәуелсіз елміз. Өз халқымыздың мәдениетін, тарихын, экономикасын, білімін көтеруге атсалуымыз керек. Патриотизм осы саланың қай-қайсысында да керек.
Отанымызды қорғау үшін әр оқушы шымыр болып өсуге, сабағын жақсы оқуға, өзінің елі мен тілін сүюге міндетті. Оны қорғап, оның дамуына бар үлесті қосып, оны қадір туымыз керек.
Мен осындай елдің перзенті болғаныма мақтанамын. Қазақ халқының жазира кең даласы менің жүрегімде. Менің Отаным - менің мақтанышым, асыл байлығым! Мен оның өркендеуіне бар үлесімді қосамын . Ержеткенде осы киелі даламды қорғап, аялап, оған қызмет ететін боламын.