Шығарма: Тәуелсіз Қазақстан

Тәуелсіз Қазақстан

16- желтоқсан еліміздің ең үлкен ең басты мерекесі, 1991 жылы қазақ елі егемендікке қол жеткізіп, өз алдына тәуелсіз мемлекет атанды. 2016 жылы тәуелсіз мемлекет атанғанымызға 25 жыл толады. Осы тәуелсіздік Қайрат Рысқұбеков, Ербол Спатайұлы, Ләззат Асанова сынды қазақтың батыр, қаһарман ұл-қыздарының арқасында келді. Олардың Тәуелсіздік жолындағы ерлігі,қайсарлығы біз үшін өнеге болмақ. Тәуелсіз деген толық еркі бар, ерікті, бағынышты емес деген мағынаны білдіреді. Ал егемен-өз билігі, бас бостандығы өзінде, тәуелсіз. Қазақстан – туымен тұғырлы. Елтаңбасымен еңселі. Қазақ елін бүкіл әлем таниды. Көк туымызда көк жүзінде әлемге нұрын шашқан күн сәулесі, астында қияға қанат қаққан қыраны бар. Қазақстан Республикасының елтаңбасында көгілдір түс астында шаңырақ бейнеленген. Шаңырақ біздің артық атауымыз. Ал әнұраны бірлікке, ынтымаққа, достыққа шақырады.

Он алтыншы желтоқсан-

Тәуелсіздік алған күн.

Ерекше боп мәңгілік

Ел жадында қалған күн.