Қазақша шығарма: Қазақтың салт-дәстүрі

Бала тәрбиесіне көп көңіл бөліп, жалпы адам тәрбиесіне терең мән беретін халық-қазақ халқы. Қазақ халқы өте қонақжай халық. Сондай –ақ, қазақтардың әдет-ғұрып, салт-дәстүр, өнеге тәрбиесінде өте терең мән жатыр.

Сәби дүниеге шыр етіп келгеннен, дүние есігін ашқаннан есейгенге дейін қазақтардың балаға беретін тәлім -тәрбиесі, ілім-білімі, өнеге -тағылымы, өткізетін салт-дәстүрі әдет-ғұрпы өте көп. Мысалға айт кетсек, шілдехана, шашу, бесікке салу, қырқынан шығару, тұсаукесер, сүндет той, беташар, тілашар және т.б. Бұлардың тек рухани ғана емес, сонымен бірге, жас ұрпақ, адам тәрбиесіне де үлкен қызмет атқаратынын естен шығаруға болмайды.

Әрбір салт-дәстүрге жеке тоқтала кетсек, әрқайсысының өзі бір өнеге, тәрбие сияқты. Әрбір қазақ баласы қазақ болғандығының белгісі ретінде, тым құрығанда салт-дәстүр түрлерін, қазаққа тән ойын түрлерін болсын білуі тиіс. Мысалы, асық, алтыбақан, ақ сүйек, қыз қуу, тағысын тағы, бұлардың өзі бір тоқталық, зерттеп, айта кетуді қажет етеді.

Қазақ халқымен басқа елге мақтанғың келсе, «Менің қазақ елім!» деп еш қысылмай, ауыз толтыра айта алатын халге жеткеніміз арғы ата-бабалар арқасы! Қазақ елі басқа еш елде кездеспейтін, қайталанбайтын салтымен, дәстүрімен, әдет-ғұрпымен, жерімен, тағысын тағы мақтаныштарымен мақтана алады.
Мен өз елімді, жерімді, салт дәстүрімді мақтан тұтамын және барынша сақтауға үлес қосамын!