Реферат: Қазақ әдебиеті | Абылай Уәлибақыұлы

Абылай Уәлибақыұлы, "Қанiшер Абылай" - XVII ғасырдың басында Сауран мен Түркiстанды билеген қазақ сұлтаны,батыр.Үргенiш өңiрiнде туған,Жәдiк әулетiнен."Батырлығымен ,батылдығымен аты шығып,сол үшiн де қанiшер деген қаһарлы да,құрметтi атаққа ие болған" деп жазған Шоқан Уәлиханов. Абылай Кiшi жүз бен Орта жүздегi қазақ руларының бiр бөлiгiне билiк жүргiзген. Ресей империясы 1614 жылы Тобылдың дуанбасы И.С.Куракинге Абылаймен келiссөз жүргiзудi тапсырады. Абылайға Сiбiрдегi орыс қамалдарына шабуыл жасаған қалмақтарға қарсы соғыс одағын құру ұсынылып,оның есесiне қазақтарға Сiбiр қалаларындағы сауда-саттыққа қатысуға рұқсат берiлетiндiгi алға тартылады. Бiрақ Ресей қалмақтармен де астыртын келiссөздер жүргiзген. Осы себептi Абылай сұлтан мен орыстар арасындағы қарым-қатынас нәтижелi болмаған. Абылай қан майданда қаза тапқан.