Қазақша өлең: Иса Байзақов (Бір бидай)

Сайрасаң, бауырларым, мендей сайра,
Бақытты өмірінде күндей жайна,
Құлпырған ұлы күннің жұлдыздары,
Сәулеңмен күнмен талас, теңел айға.

Қайырмасы:
Шарықта, достар,
Бақытты жастар.

Құлпыртып ән салайық түрден түрге,
Басайық ілгері адым өрден өрге.
Шаттықтың шарықтатқан тасқынында,
Қосылып шырқатайық әнді бірге.

Қайырмасы:
Шырқатып әнді,
Әсерлі сәнді.