Қазақша өлең: Олжас Отар (Аруларды жігіттер аялайық!)

Аруларды жігіттер аялайық.
Бар жақсыны олардан аямайық.
Қыз сыйлаған қазақтың баласы едік,
Қадірлерін білмесек болар айып.

Табиғат іңкәрлікті қызға арнады.
Құштар-ау сұлулыққа қыздар жаны.
Құлпырып көздің жауын алатұғын,
Қыздар деген, жігіттің ізгі арманы.

Сері жігіт кешегі қайда халық.
Бара жатыр бүгінде майдаланып.
Сұлу көрсе сұмдық-ай сұқтанады,
Қалсақ деп бір оларды пайдаланып.

Уа, жігіттер ермейік әр елеске.
Ең керегі адамға ар емес пе?
Түсінсеңдер бәріңнің үйлеріңде,
Анаң, әпкең, қарындас бар емес пе?