Туған күнге арналған өлеңдер

Наржан үшке толғанда

(Мәжиттен туған Нартай немереме арнаймын)

Үш атанды аман көріп,
Толдың үшке, Нартай жаным,
Бүгін саған бата беріп,
Ұмытты атаң қартайғанын.
Үмітпенен сені тосып,
Топтап жасап тоқсан жылды,
Үш буынның басын қосып,
Қуанды атаң көңілі тынды.
Жай қолыңды, айтсын атаң
Жүз жыл жиған ықыласын.
Бейнеті емес көрген қатаң,
Бақыты мен берсін жасын.
Әкесінің атын саған,
Ұялтпас деп тұр тапсырып,
Ақыл, қайрат аршындаған,
Болсын саған бар жақсылық.

Туған күнді тойламаймын

Мейлі сана наданға,
Мейлі теңе жаманына одан да.
Туған күн де, өлген күнде біреу-ақ,
Адамда.
Жөн-ау деймін мәнді ұққан,
Деңдер мейлі: «болдық таң».
Мен өзім
Туған күнді тойламаймын сондықтан.
Қарашы!
Мол болатын қуанышы, жарасы.
Ғұмыр деген –
Туған күн мен өлген күннің арасы.
Ана болған талайларға бұл мекен,
Мекенімді жеткенше әлім гүлдетем.
Туған күнді тойлай берсін тойлайтын,
Ал өзім –
Бір келем де,
Дүниеден бір кетем.

Той жыры

Бүгін, біздің, балалар,
Туған күнгі тойымыз.
Бәріміздің барабар
Бойымыз бен ойымыз.
Кел, балалар, ойнайық,
Туған күнді тойлайық.
Ертең тағы сабақ бар,
Оқуды да ойлайық.
Сәби едік кеше біз,
Жігіт болып өсеміз.
Мұхиттарды кешеміз,
Көк әлемін кеземіз.
Кел, балалар, ойнайық,
Туған күнді тойлайық.
Ертең тағы сабақ бар,
Оқуды да ойлайық.

Мама туған күніңмен

Айналайын Мама,
Туған күніңмен!
Сыйлайыншы саған
Дала гүлін мен.
Күлімдеген көзің
Күннің нұрындай.
Ұлым деген сөзің
Ақын жырындай.
* * *
Айналайын анашым,
Әлемдегі жан асыл.
Болса маған не керек,
Бәрін іздеп табасың.
Айналайын анашым,
Шам-шырақ боп жанасың.
Бір өзіңе арнаймын
Сөздерімді бар асыл.
* * *
Дүниеде артық
Жан жоқ мамамнан.
Дариядай шалқып,
Ән боп таралған.
Мерекең ғой бүгін,
Жүрек жарылар.
Даланың ақ гүлін
Сыйға қабыл ал.

Туған күн тойыңа

Өтіп жатыр бір тойың –
Қос жиырма гүл тойың.
Кеуделерде күй толы,
Әзіл-сықақ, күлкі, ойын.
Өз сезімің, өз демің,
Күн шуақты көздерің.
Қайта оралып келгендей
Он сегіз жас кездерің.
Әзілдесіп, сыңқылдап,
Би билейсің былқылдап.
Кереметтей жаралған
Құлын дене тым қымбыт.
Ұялатып жанға арман,
Нәр алғансың таңдардан.
Тұла бойың тік біткен
Құйылғанадай мәрмәрдан.
Жұрт қызыға қарасқан,
Көркің күнмен таласқан.
Сұлулығы тәніңнің
Жаныңменен жарасқан.
Кең жайылған құлашың,
Пейілің де шын асыл.
Жан біткенге жақсылық
Жасасам деп тұрасың.
Паңдығың бар аздаған,
Жүрек отың маздаған.
Сен сияқты жандарға
Қартаюды жазбаған.
Жазғы жасыл бақтардан
Бұлбұлдай күй ақтарған.
Қыз күніңдей қылықты
Жиырма жасың сақталған.
Өзіңменен ілесіп,
Иығыңмен тіресіп,
Айгүл қызың екеуің
Келесіңдер бір өсіп.
Бой жетіпті Айгүлің –
Аспандағы ай, күнің.
Айгүліңнің барында
Жоламайды қайғы-мұң.
Мол жемісті жылдарың,
Алда шығар шыңдарың.
Келешектің кепілі –
Келеді өсіп ұлдарың.
Бойға бақыт дари ма?
Жүрек жырға жари ма?
Жер бетінде өзіңдей
Болмаса егер Арина.
Ақын ғана толығар,
Ақын ғана молығар.
Ал, көріктің көктемдей
Жайнай берер жөні бар.
Жаз күніндей жарқылда,
Наз күлімдей аңқылда.
Жайраң қағып жүре бер
Жиырмадағы қалпыңда.

12.02.1998 ж.

Туылған күніңмен-Бибі

Арулардың аруы бар асыл жан,
Қылықты қыз,адал дос,жақын болған.
Бибінұрдай әлемде жан жоқ сірә,
Ақылымен баураған бақытты жан.

Туған күнің,мерекең,күнің бүгін,
Құттықтаймын тәтті қыз, қуан бүгін.
Нұрсезіммен достығың үзілмесін,
Шаттық толып жүзіңе арайлы күн.

Туған күнге тілек

Келін болып түсіп едім жасымнан,
Сипадыңыз бақыт тілеп басымнан.
Менен кейін үш келінге ана боп,
Әулет болдық мерейі бір тасыған.

Құтты болсын келген туған күніңіз,
Қуаныңыз, шаттаныңыз, күліңіз.
Немерелер қызығына бөленіп,
Аман-есен ортамызда жүріңіз.

Ешқашан мойымай қиындыққа,
Бола білдіңіз бұл өмірде төзімді.
Денсаулығың мықты болсын, жан ана,
Ұл-қыздарың құттықтайды өзіңді.

60 жасқа тілек

Бұл да заң;
Біреу берер, біреу алар,
Қолтықтан біреу демеп, біреу шалар.
Бұртима: «Өлеңіңді қайтемін?» - деп,
Гүл семер,
Шапан тозар,
Өлең қалар.

Байлығын шашар байдың салты сұмдық,
Ала көр ағайынның шалқысын құп....
Жетсем деп мыңдар жылап, жетпей кеткен,
Бойыңа болсын мына алпысың құт!

Мәз халық тойға билеп, биші келсе,
Назданып, күйін шертіп күйші келсе.
Қалтасын қампитуға асығады ел,
Бір әнші екі әнін шырқап берсе.....

Тойыңа шашу етіп шаштым өлең,
Онымен абыройым асты демен...
Сыйлығы осы ма деп, сылп етті ерін...
Құдай-ау, жыр қадірі қашты неден?

Қайғырып, қиналмасын қапа мұңдар,
Жыр сүйер, құрметтер жұрт атаныңдар.
Тозбайтын, сембейтін де жырым осы,
Берер гүлі, кигізетін шапаным бар.

Бұл да заң;
Біреу берер, біреу алар,
Қолтықтан біреу демеп, біреу шалар.
Бұртима: «Өлеңіңді қайтемін» - деп,
Гүл семер,
Шапан тозар,
Өлең қалар.

Әкеге тілек

Ұл-қызының сезінумен арманын,
Ойлайтұғын әке асқар тау жан-жағын.
Қуанышпен құттықтаймыз бүгін біз
Әкеміздің 63-ке толғанын.

Әрбір белес, әрбір асу, ол - бір із,
Қашанда да жақсылыққа сендіңіз.
Өмір жолда бізге өнеге, үлгі боп,
Міне, Сіз де 63-ке келдіңіз.

Жүрді ме өмір перзенттерге алаң ғып,
Бір біз үшін әр кезде, Әке, бағаң нық.
Сан жолдарды көрсетті ме сізге ыстық -
Темір тұлпар тізгіндеткен мамандық.

Ақтара алсақ ақ тілектің сандығын,
Шаттық ойнап атсыншы аппақ таң бүгін.
Құтты болсын, Әке, туған күніңіз,
Тілейміз біз жан мен тәннің саулығын!

Өткен шақтан қалды сізге бүгін із,
Сәтті күндер болсын әрбір күніңіз.
Балалардың қызықтарын қызықтап,
Ортамызда аман-есен жүріңіз!

Ұға алғанбыз әке асқар тау еңбегін,
Болмасыншы отбасында, елде мұң.
Қуанышпен құттықтаймыз бүгін біз
Әкеміздің 63-ке келгенін.

Биік, Әке, сіздің бізге бағаңыз,
Әр белестен, әр асудан қалады із.
Құттықтайды бүгін Сізді ұлыңыз,
Қос қызыңыз және күйеу балаңыз.

Жиырма бір 21 жас

Қош келдің, жиырма бір жас,
Кел төрлет, қонақ болып кет.
Мына менің зуылдаған күндеріме,
Бір жыл келіп патшалықпен әмір ет.

Үш жүз алпыс, плюс бес күн жырлайын,
Жиырма бір деп қырық тәулік тойлайын.
Армандардың картасына ту тігіп,
Алтынменен он монумент қояйын.

Жиырма төрте/жеті күнің бәрінде,
Жиырма бірді әлдилетіп алайын.
Бұдан бұрын істемеген игіні,
Өзің барда құштарлықпен жасайын.

Жиырма бірім үкілеген үмітім,
Көп күтемін бақыт құстың тән үнін.
Кеудемдегі он екі айлық тұмарым,
Өзіңнен де мың бір сабақ аламын.

Жазираға он бес 15 жас

Аталардың, жарықтық мақалдары –
Дәл жүрекке, дөп тиіп, жатар бәрі.
Ересектік өмірге қадам бастың
Есте болсын осындай қатер бары.
Жаным балам, тыңда енді, саған айтам,
Жеттің міне, он беске, қазақ айтқан.
Сөздің мәнін есті адам түсінеді,
Жүрісіңнен жоқ екен сағым қайтқан.
Қарасы да, көзімнің ағы да өзің,
Жасық болсам, жан балам, сынар кезім.
Тән жарасы жазылар, жазылмаса
Тәуекелді табармын, шыдам, төзім.
Кезі еді әкеңнің тау құлатар,
Ойран етер ордасын, жау жылатар.
Кім ойлаған дертті боп осы жаста
Қайғы менен көзіңді жаудыратар…
Құтты болсын, ақ ботам, арман жасың,
Осы күннен жаңа өмір жалғар басын.
Осы күннен Кісілік даңғылы да,
Өз ойыңмен биікке самғар жасың.

Әкетайым суреті

Тойлайтұғын кез жетті,
Менің туған күнімді.
Ағам сурет көрсетті,
— Сыйлығым, - деп, - бүгінгі.

Алтыдасың бүгін сен,
Кім екенін айта ғой?
Ол суретті білуші ем,
Дедім:
— Әкем-папа ғой.

Бар досымды жинады,
Ағам сурет сыйлады.
— Бақытты бол, гүлім! – деп
Әкем тұрды күлімдеп.

Туған күнге тілек

Адам екі келмейді бұл өмірге
Жүре бергін қаяу түспей көңілге
Тілеймін өзіңізге зор ден саулық
Осы емеспа бұл өмірде қымбат байлық
Бала шаға немерелер күліп ойнап
Жүре бергін шад шадыман боп той тойлап
Құтты болсын бүгінгі туылған күн
Жақып атам қызым келді деп жуылған түн

Қызыма туган кунге тилек

ТУҒАН КҮНІҢ құтты болсын, жан қызым,
Айшам менің еркелеген сəн қызым.
Ата-анасын жетелейтін жұмаққа,
Алтыннан да қымбат маған əр қызым.

Қызым менің қызғалдағым, тұңғышым,
Бойжетіп сен келесің міне, жұлдызым,
Денсаулығың мықты болсын, жүрегім,
Орындалсын арман-ойың, тілегің.

Қызым менің қызғалдағым, шырайлым,
Саған бақыт жаратқаннан сұраймын.
Иман нұры жүрегіңді толтырып,
Тура жолмен жүре бергің, арайлым.

Күн нұрындай жайнай берші, жарқыным,
Қуанышқа толы болсын əр күнің.
Денсаулығың мықты болып, ауырмай,
Аман-есен көз алдымда жүре берші, алтыным.

Қабыл етіп Аллам осы дұғамды,
Ұзақ болсын ғұмырың əрі мəнді,
Жақсы оқы сабағыңды, озат бол,
Ата-анаңнның саған деген тілегі сол.

Анаға тілек

Алтын күнім, жарқын нұрым, жұмағым,
Сарқылмайтын, балдай тәтті бұлағым.
Ұрпагғыңа деп арнаған ғұмырың
Ұзақ болсын-Тәңірімнен сұрарым.

Жәннат бағым, шұғылалы жарығым,
Өмір мәнін бір өзіңнен таныдым.
Мені кемел келешекке жеткізген-
Көкірекке кұйған құнды тәлімің.

Ана, сенсіз қызығы жоқ ғаламның,
Өзің жоқта жалғызсырап қаламын.
Жабырқасам, жұбанышты жаныма
Жанарыңның тұнығынан аламын.

Аман жүрші, ауырмашы, Ай-күнім,
Орнамасын көңіліңе қайғы-мұң.
Туған күнің құтты болсын бүгінгі,
Қымбаттыдан қымбат жалғыз байлығым!

Қызының анасына құттықтау тілегі

Шаттық күлкі жүзде ойнап тұрған күн
Қуандың да, сол шаттықпен нұрландың.
Мама, өйткені бүгінгі күн сен үшін
Ақ тілектер тасқындайтын туған күн.

Шын көңілмен сол тілекті қостадың,
Боп тұрсыншы әр кез ашық аспаның!
Құттықтайды сені барлық жақының,
Құттықтайды сені бүгін достарың.

Мағынасы болып таң мен кешіңнің
Бізді аялап мәпеледің, өсірдің.
Ер жеткенбіз саясында алаңсыз
АНА деген құдіретті есімнің.

Ыстықсың сен бізге де, елге - қауымға,
Сен екенсің байлығым да, барым да!
Самайыңда бар ғой менің "үлесім",
Өтінемін, мама, ешқашан ауырма.

Тіл жетпейтін біздерге асыл, бағаң дүр,
Бар көңілің балаң үшін алаң бір.
Шамшырағым болдың мына тірлікте,
Қуанышқа жанды бөлеп аман жүр.

Өтеуіндей алаң көңіл жылдардың,
Жанарыңда бүгін шаттық тұнған күн.
Қуанатын ұл мен қызың сен үшін,
Мама, саған құтты болсын туған күн!

Өзіңменен перзентіңнің бағы бар,
Келер күндер үміт болып жағылар.
Қуанышты, толқынысты сәтіңде
Қызыңның да ақ тілегін қабыл ал!

Туған күн кешінде

Тойыңа гүл алып,
Келдім мен қуанып,
Қарсы алдың күлімдеп көктемдей.
Жүзіңе нұр тұнып,
Кетіпсің құлпырып
Бір бақыт сәулесін төккендей.
Қайырмасы:
Сен туған күн - мерекеміз,
Ән бастайық, кел, екеуміз.
Ұмытпа сен, құрбым,
Есте қалсын мәңгі бұл күн.
Жасқанба, жасыма,
Отыршы қасыма,
Басталсын бір терең әңгіме.
Қуансын ел ертең,
Қолыңды бер, еркем,
Жалғыздық жойылсын мәңгіге.
Көп жүріп сарылып
Жетсе де кәрілік,
Қақпаңды ашпа сен уақытсыз.
Жастықтың жарығын,
Жүректің жалынын
Өшіріп алған жан бақытсыз.

Туған күн

Туған күнім – бақ күнім,
Туған күнім – шат күнім.
Сыйлайды дос, құрбылар
Қызыл гүлін, ақ гүлін.
Туған күнім – шуақ күн,
Жылда келер бір-ақ күн.
Көңілді күй тербейді
Сылдырындай бұлақтың.
Аспаным да кеңейді,
Достарым да көбейді.
Туған күнді бір тойлап,
Қуанышқа бөлейді.
Туған күнім бір басқа,
Жылжып келген жыл басқа.
Былтырғыдан есейіп,
Өсіп қалдым бір жасқа.